Dissabte, a Brutús, los Dracs balhèron qualques susors frejas al public catalan long de las quaranta primièras minutas fàcia als Vikings de Widnes: paumas perdudas e defensa aproximativa dels locals permetèron als vesitaires de menar 14-12 a la pausa; mas, dins lo segond temps, amb lo dobertura Leon Pryce coma mèstre del jòc e un Tomas Bòsc, plaçat a l’arrièr, segur al pè e tonic dins las relanças, los sang e aur passèron sièis còps la linha anglesa per l’emportar, fin finala: 46-14. Los Dracs se tornan plaçar dins lo naut del classament abans la recepcion tre aqueste dissabte de la formacion de Bradfòrd.
Dimenge se tenguèt un autra partida de tria en Catalonha-Nòrd ont Pià recebiá Carcassona. Los jaune e negre se presentavan dins una formacion remaniada en rason de nafraduras. Mas se ronzèron a l’ataca per menar 14-10 a la pausa amb d’ensags marcats per Som (8a), Offerdahl (10a) e Mazard (18a). Stacul e Vaiotu replicavan per Pià. Solament, dins lo segond temps, lo banc dels Occitans venguèt estequit amb tres jogaires nafrats e devenguèt de mai en mai malaisit de resistir a la pression catalana. Amb doas penalitats (una per Alexis Alberolà e l’autra per Alexis Escamilla), Carcassona retardèt l’ora fatidica que tindèt a la 76a minuta amb un ensag del mesclanha Carr que balhava la victòria als Pianencs: 22-18.
D’aquel temps, al Molin, Lesinhan preniá lèu la mesura de Limós per menar 24-6 a la pausa e l’emportar 32-18.
A Sant Estève, los Dragonets cartonavan una formacion d’Avinhon qu’avá degut sautar del pont sens paracasuda: 58-0.
En país albigés, Lescura plegava fàcia a Vilanòva: 35-20.
Aquesta setmana, lo calendièr d’Elèit se met a jorn e Limós serà mes a contribucion amb la recepcion de Vilanòva aqueste dimècres e un desplaçament a Tolosa dimenge.
Tolosa qu’anirà la primièra dimenjada d’abril a Swinton, coma Carcassona a Workington dins lo nòrd d’Anglatèrra, per jogar los 32en de finala de la Cup anglesa.
Es l’inspector Lewis que se pòt véser lo dimenge al ser sus France 3 que faguèt aqueste tiratge al sòrt.
Dimenge se tenguèt un autra partida de tria en Catalonha-Nòrd ont Pià recebiá Carcassona. Los jaune e negre se presentavan dins una formacion remaniada en rason de nafraduras. Mas se ronzèron a l’ataca per menar 14-10 a la pausa amb d’ensags marcats per Som (8a), Offerdahl (10a) e Mazard (18a). Stacul e Vaiotu replicavan per Pià. Solament, dins lo segond temps, lo banc dels Occitans venguèt estequit amb tres jogaires nafrats e devenguèt de mai en mai malaisit de resistir a la pression catalana. Amb doas penalitats (una per Alexis Alberolà e l’autra per Alexis Escamilla), Carcassona retardèt l’ora fatidica que tindèt a la 76a minuta amb un ensag del mesclanha Carr que balhava la victòria als Pianencs: 22-18.
D’aquel temps, al Molin, Lesinhan preniá lèu la mesura de Limós per menar 24-6 a la pausa e l’emportar 32-18.
A Sant Estève, los Dragonets cartonavan una formacion d’Avinhon qu’avá degut sautar del pont sens paracasuda: 58-0.
En país albigés, Lescura plegava fàcia a Vilanòva: 35-20.
Aquesta setmana, lo calendièr d’Elèit se met a jorn e Limós serà mes a contribucion amb la recepcion de Vilanòva aqueste dimècres e un desplaçament a Tolosa dimenge.
Tolosa qu’anirà la primièra dimenjada d’abril a Swinton, coma Carcassona a Workington dins lo nòrd d’Anglatèrra, per jogar los 32en de finala de la Cup anglesa.
Es l’inspector Lewis que se pòt véser lo dimenge al ser sus France 3 que faguèt aqueste tiratge al sòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari