Actualitats
100 ans de la naissença de Robèrt Lafont
Considerat coma una de las pus grandas figuras istoricas de l’occitanisme, se li rend omenatge al país e endacòm mai
Tèxte legit
Lo 16 de març de 1923, fa exactament 100 ans, nasquèt Robèrt Lafont, considerat coma una de las pus grandas figuras istoricas de l’occitanisme. Foguèt un intellectual occitan e pus particularament un lingüista, un escrivan, un istorian, un especialista de la literatura e un teorician politic.
A l’ocasion d’aquesta efemerida, lo CIRDÒC-Institut Occitan de Cultura inaugura uèi a 18h30 una exposicion consagrada a sa figura amb una serada fòrça especiala en preséncia de sos enfants e de Fausta Garavini, escrivana, traductritz, ensenhaira italiana, veusa de Lafont. L’eveniment se tendrà dins la mediatèca occitana de Besièrs e comprendrà de lecturas de poèmas, d’evocacions sonòras e una projeccion audiovisuala.
Dimècres 8 de març, se faguèt una ceremònia de remembre de la figura de Lafont a l'Ostal Occitan Narbonés amb la difusion d’un reportatge fach dins l’emission Vaquí de France 3.
Dimenge passat, 12 març, lo jornal Midi Libre consagrèt una pagina a Robèrt Lafont.
En Àustria
De son caire, l’Universitat de Viena, dont Lafont èra doctor honoris causa, rendrà omenatge al pensador nimesenc lo 24 de març. Se tendrà un collòqui entre 11 e 14 oras a l’Institut de Romanistica que se poirà seguir per videoconferéncia sus aqueste ligam.
Onorat en Catalonha
Long de l’an 2019, la Generalitat de Catalonha commemorèt lo desen anniversari de la mòrt de Robèrt Lafont en programant d’activitats culturalas, academicas e de divulgacion de la vida e de l’òbra del sociolingüista e escrivan nimesenc. S’organizèt d’eveniments a Brussèlas, Barcelona, Reus, Lhèida, Arenys de Mar e Girona. Ongan es previst que se publique un libre que se comencèt de bastir en aquel temps.
Robèrt Lafont foguèt laureat de la Crotz de Sant Jòrdi pel govèrn de la Generalitat de Catalonha en 1987. Puèi, en 2010, lo govèrn catalan instituiguèt lo prèmi Robèrt Lafont amb la tòca de reconéisser de personas o d’entitats que se son distinguidas per la defensa, la projeccion e la promocion de la lenga occitana. Dins la darrièra edicion, lo guierdon anèt a la jornalista aranesa Lissa Escala e al lingüista Xavier Lamuela. Los laureats de las autras annadas foguèron Pèire Bèc, Felip Gardy, Jacme Taupiac e la Fondacion Musèu Etnologic de la Val d’Aran, Georg Kremnitz e Frederic Vergés.
A l’ocasion d’aquesta efemerida, lo CIRDÒC-Institut Occitan de Cultura inaugura uèi a 18h30 una exposicion consagrada a sa figura amb una serada fòrça especiala en preséncia de sos enfants e de Fausta Garavini, escrivana, traductritz, ensenhaira italiana, veusa de Lafont. L’eveniment se tendrà dins la mediatèca occitana de Besièrs e comprendrà de lecturas de poèmas, d’evocacions sonòras e una projeccion audiovisuala.
Dimècres 8 de març, se faguèt una ceremònia de remembre de la figura de Lafont a l'Ostal Occitan Narbonés amb la difusion d’un reportatge fach dins l’emission Vaquí de France 3.
Dimenge passat, 12 març, lo jornal Midi Libre consagrèt una pagina a Robèrt Lafont.
En Àustria
De son caire, l’Universitat de Viena, dont Lafont èra doctor honoris causa, rendrà omenatge al pensador nimesenc lo 24 de març. Se tendrà un collòqui entre 11 e 14 oras a l’Institut de Romanistica que se poirà seguir per videoconferéncia sus aqueste ligam.
Onorat en Catalonha
Long de l’an 2019, la Generalitat de Catalonha commemorèt lo desen anniversari de la mòrt de Robèrt Lafont en programant d’activitats culturalas, academicas e de divulgacion de la vida e de l’òbra del sociolingüista e escrivan nimesenc. S’organizèt d’eveniments a Brussèlas, Barcelona, Reus, Lhèida, Arenys de Mar e Girona. Ongan es previst que se publique un libre que se comencèt de bastir en aquel temps.
Robèrt Lafont foguèt laureat de la Crotz de Sant Jòrdi pel govèrn de la Generalitat de Catalonha en 1987. Puèi, en 2010, lo govèrn catalan instituiguèt lo prèmi Robèrt Lafont amb la tòca de reconéisser de personas o d’entitats que se son distinguidas per la defensa, la projeccion e la promocion de la lenga occitana. Dins la darrièra edicion, lo guierdon anèt a la jornalista aranesa Lissa Escala e al lingüista Xavier Lamuela. Los laureats de las autras annadas foguèron Pèire Bèc, Felip Gardy, Jacme Taupiac e la Fondacion Musèu Etnologic de la Val d’Aran, Georg Kremnitz e Frederic Vergés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari