Bandièra01 1180x150: Comuna de Tolosa

Actualitats

SocietatPoliticaInternacionalCultura

An deslotjats d’indians de lor ancian musèu a Rio de Janeiro

Los 35 indians que i vivián son estats deslotjats per aperaquí 200 policièrs militarizats

Los 35 indians que vivián dempuèi uèch ans dins lo musèu consagrat a lor cultura, a Rio de Janeiro (Brasil), foguèron deslotjats divendres passat per la polícia, per fòrça, per ne permetre la demolicion e l’execucion de las òbras restacadas al Mondial de fotbòl de 2014.


Aperaquí 200 membres de la polícia militarizada de Rio de Janeiro prenguèron divendres lo bastiment ont i aviá, dempuèi 1978, lo Musèu de l’Indian. De desenats de manifestants s’afrontèron a la polícia.
 
L’ancian Musèu de l’Indian es la buta del govèrn de Rio de Janeiro; que lo govèrn desira de lo demolir per optimizar los desplaçaments dels suportaires qu’anaràn assistir als matches dins l’Estadi del Maracanã; e aquò en acòrdi, se ditz, amb lo patron de la Federacion Internacionala de Fotbòl (FIFA). Ça que la, lo 18 d’octòbre de 2012, la Federacion respondèt, dins lo Jornal do Brasil, qu’aviá pas jamai demandat la demolicion de l’immòble vesin del Maracanã, negant aital la veracitat de la version del governador Sérgio Cabral que disiá agir amb l’acòrdi de la Federacion.
 
Las protèstas contra la demolicion d’aquel musèu contunhan.








Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
5.

Fotografia sasissenta, pivelanta, entre, d'un costat (a dreita) 15 000 ans de civilizacion e de l'autra (a esquèrra ?) un representant de las fòrças del caòs. Tristas tropicas, coma o auriá dit Claudi Levy Strauss…

  • 2
  • 0
Albina Aups
4.

Sosten total als indians. L'istòria se reproduse sota d'autras formas...

  • 5
  • 0
Jornalet
3.

#1 Mercés pel ligam, avèm publicat lo vidèo dins l'article

  • 3
  • 0
alèm do mar São vicente d'occitània
2.

Lo PT qu'ei deu pan beni taus capitalistas. Lo pais qu'ei tostemps sosmès aus imperialistas (sustot US) e la diferencia enter los ricas et los paubres que cresha. Ne parli pas de la situacion deus indigènas qui ei ua catastròf umana shens nom. Los programs "Programa de Aceleração do Crescimento" qu'ei un modernisator de l'aparelh economica sonque taus capitalistas, que desvelopan l'infrastructura, las minas. Los projècts de baratge que vam negar las tèrras deus indigènas contra aquò que son sovent solèt cap a un poder ultra-violent. Los paisans qu'esperan encuèra la reforma agraria e los conflicts ligats a la tèrra que son sovent extra-judiciaris. Los latifundias pagan milicias entà matar los paisans que gausan lutar. Lo product de basa alimentària que son mei cara qu'en ço de noste (proporcionaument) alavetz que tot que vien d'aquest pais.
La democracia com pertot mès mei aqui qu'ei tostemps taus mèsmas.
Urosament lo pòple comença a prener consciença mès qu'ei complicat après 24 ans de ditatura militara.
Los indians de maracanã que son sustot apujats tà los companhs deu MEPR : http://www.mepr.org.br/
Tot aquò que vien plan confortar lo hèit que n'i a pas de capitalisme a cara umana. Qu'ei impossible.

SOlidaritat internacionau! Pas de patz possible dab lo capitalisme.

  • 5
  • 0

Escriu un comentari sus aqueste article