Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheAuvèrnheLimanha

Las plaças per Clarmont-Montpelhièr vendudas en 17 minutas

Dimars passat se metèt a la venda, a partir de 10 oras, 3500 plaças sul sit web del club auvernhat, per lo quatren de finala de l’H Cup entre l’AEM Clarmont d’Auvèrnhe e Montpelhièr, que se jogarà sul terren de l’esquipa auvernhata lo 6 d’abril que ven a 16h40. Los primièrs suportarires comencèron de se connectar lo ser d’abans. Es aital que, quitament abans la dobertura oficiala de la venda en linha, los internautas avián convidat a far la coa.
 
Los primièrs a esperar connectats obtenguèron de bilhets. Pasmens totas las plaças foguèron venduras en 17 minutas. “S’agís pas d’un recòrd”, çò disiá lo club. “Es sovent aital quand jogam en cò nòstre, e mai se lo nòstre prestatari aviá previst de servidors mai gròsses per l’ocasion”, çò apondèt.
 
Ça que la, qualques tardièrs aguèron l’astre. Aperaquí mièja ora puèi, se metèt tornarmai a la venda las plaças de las personas qu’avián agut de problèmas tecnics en crompant en linha.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

E a la reventa, quant valon las plaças?

  • 1
  • 0

Escriu un comentari sus aqueste article