Bandièra01 1180x150: Comuna de Tolosa

Actualitats

Un per Vox, deman e divendres au collègi de Sent Lis

| Un per Vox
Deman e divendres, les escolans deu collègi de Sent Lis deu collègi de l’Isla de Baish (Savés), e de la seccion bilingüa primaria de Sent Lis (Savés)  auràn le plaser d’escotar polifonias e de devisar dambe les artistas deu grope “Un per Vox”.
 
Aquò se debanarà au dihens deu collègi de Sent Lis, dins la famosa sala 25: la sala on las Matematicas se hèn en occitan!
 
Un trabalh deus bèths es estat miat peus professors de Sent Lis e de l’Isla de Baish, autant en occitan coma en educacion musicala sus la polifonia en generau e sus las polifonias pirenencas en particular.
 
Le grope “Un per Vox” harà pas mens de 5 concèrts de 01h00 en dus jorns e passarà a quaucom pròche 02h30 a devisar dambe les 250 collegians e les 70 escolans deu primari.
 
Serà l’escasença, ende aqueres artistas que cantan mès non parlan pas occitan, de presentar las rasons de las loras motivacions a cantar polifonias pirenencas.
 
Aqueres concèrts son produsits peu collègi de Sent Lis dambe le sosten de l’associacion “D’arts e d’Òc”.
 
Mes d’entresenhas suu sit d’Un per Vox.
 
 
 
 
Olivèr Berard

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Associacion País de Catinon Sent Lis
1.

Mercés a l'Olivièr de hèr víver l'occitan a travèrs la seccion bilingua de Sent Lis. L'avénguer de la lenga occitana a Sent Lis, coma aulhors, passa prumèr per un ensenhament immersiu en lenga nòsta. Sent Lis a la chança d'aver una seccion bilingua de las bèlas. Aquesta iniciativa la dinamiza.

  • 5
  • 0

Escriu un comentari sus aqueste article