Bandièra01 1180x150: Comuna de Tolosa

Actualitats

D’explosions al Maraton de Boston: dos mòrts e un trentenat de ferits

Las explosions se son debanadas près de la linha d’arribada de la corsa, plena d’esportius e d’espectators

Almens doas personas mòrtas e un trentenat de ferits: aquò es lo resultat de doas explosions seguidas qu’an agut luòc près de la linha d’arribada del maraton multitudinari de Boston. Las explosions se son debanadas a la Plaça Copley de la vila, quatre oras après lo començament, quand arribavan encara fòrça esportius.
 
A l’ora d’ara se sap pas çò qu’a provocat aquelas explosions. Coïncidisson als Estats Units amb lo Jorn dels Patriòtas, e mai se, sul sit Facebook oficial del maraton, se parla de doas “bombas”.
 
La polícia a detectat un autre explosiu qu’a pas esclatat. Qualques minutas puèi, una tresena explosion s’es facha dins la Bibliotèca JFK dins la meteissa vila.
 
Las autoritats an barrat per seguretat l’aeropòrt de Boston e qualques linhas del mètro.
 
Lo Maraton de Boston es lo mai ancian del Mond (dempuèi 1897) e cada an i participan de milièrs de personas. Ongan se son inscrichas 27 000 personas per i córrer. En mai dels participants, se calcula que mièg milion de personas se sarran long del percors.

 



Lo jornal The Boston Globe n’a difusat d’imatges:

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article