Dissabte, cò dels Gats-Fèrs de Wakefield, los Dracs mostrèron qu’an d’aquesta passa una certa flaquessa per escupir lo fuòc e perdèron una partida que logicament èra a lor portada fàcia als onzens de la competicion. Malgrat dos ensags signats per Larroyer, pleguèron 30-12. Demòran a la cinquena plaça al classament, mas los quatre primièrs (Wigan, Huddersfield, Leeds e Warrington) s’escapan e unas equipas se rapròchan dels catalans que se poiràn tornar faire la santat dimenge amb la recepcion de l’esquipa de Champioship York (aquela qu’eliminèt Tolosa) pel compte dels 1/8 de finala de la Cup.
De notar qu’en Australia, los Storm de Melbourne an perdut pel primièr còp de la sason e demai a l’ostal fàcia als Canberra Raiders: 24-20.
Dimenge, jos un brave solelh de prima, Brutus recebiá las finalas dels Campionats de França pels Juniòrs e l’Elèit 1.
En juniòr, l’ASCarcassona encaissèt un ensag sus una pauma perduda tre la trentena segonda. Passèron la partida e tot lo vam possible a ensajar de tapar lo trauc, mas los Dragonets Catalans servèron de longa un còp d’avança per l’emportar fin finala 39-30.
Puèi, 7000 espectators assistèron a la partida entre Pià e los Dragonets per l’atribucion del bloquièr Max-Rousié. Los Dragonets lancèron sas fòrças totas dins la batèsta per menar 10-8 a la pausa. Mas, a la represa, en cinc minutas, entre la cinquantena e la cinquanta-cinquena, per très còps, Pià fixèt la defensa advèrsa, escartèt la pauma e, amb Maxime Gressèque a la manòbra e Cooper (dos còps) e Sobeiràs (un còp) a la finicion, marquèt per prene un avantatge bèl: 26-10. Los Dragonets ensagèron plan de tornar: puntèron dos ensags (26-20), mas un novèl ensag salanqués e un tombat rendián la diferéncia insurmontabla e lo darrièr ensag sang e aur de Joan Guasch poguèt pas cambiar la destinada de la partida.
Los Burros de Pià metián un tèrme als cinc ans de regne audenc (4 titols per Lesinhan e un per Carcassona): 33-26.
Dimècres de vèspre a Ramonvila, se tendràn las finalas de Nacionala 3 (14 h) amb un campion audenc de designar entre Sant-Laurenç de la Cabrerissa e Preissan-Lauquet, puèi ( a 16h) de Nacionala 2 entre Ferrals e Clairac.
A Avinhon, plaça a las finalas de Copa dels minimes (XIII Catalan-Tolosa, a 17h) e cadets (MJC Carcassona-Albi, a 18 h)
Divendres, la Copa del Monde se passejarà dins Aude: lo matin, a Lesinhan; a miègjorn, a Limós; lo vèspre, a Carcassona; en fin de vèspre e serada a Vilanòva de Menerbés.
A Carcassona, dissabte de matin, lo Tornèg Ostric recamparà las escòlas de rugbi e de vèspre, las finalas de Copa se jogaràn a l’estadi Domèc: a 3 e mièja, la Copa Nitard dels juniòrs entre Avinhon e los Dragonets que voldràn signar lo doblat; a 6 oras, la finala de la Copa Lòrd-Derby ente Limós e Avinhon. Una partida que promet!
Diluns que serà lo 13 de mai, de 8 oras del matin a 9 oras de la nuèit,convidat pels Dragons del Lauquet, En Lluís Colet contarà pendent 13 oras l’istòria del XIII al restaurant Lo Barbés a Carcassona.
Alan Roch
De notar qu’en Australia, los Storm de Melbourne an perdut pel primièr còp de la sason e demai a l’ostal fàcia als Canberra Raiders: 24-20.
Dimenge, jos un brave solelh de prima, Brutus recebiá las finalas dels Campionats de França pels Juniòrs e l’Elèit 1.
En juniòr, l’ASCarcassona encaissèt un ensag sus una pauma perduda tre la trentena segonda. Passèron la partida e tot lo vam possible a ensajar de tapar lo trauc, mas los Dragonets Catalans servèron de longa un còp d’avança per l’emportar fin finala 39-30.
Puèi, 7000 espectators assistèron a la partida entre Pià e los Dragonets per l’atribucion del bloquièr Max-Rousié. Los Dragonets lancèron sas fòrças totas dins la batèsta per menar 10-8 a la pausa. Mas, a la represa, en cinc minutas, entre la cinquantena e la cinquanta-cinquena, per très còps, Pià fixèt la defensa advèrsa, escartèt la pauma e, amb Maxime Gressèque a la manòbra e Cooper (dos còps) e Sobeiràs (un còp) a la finicion, marquèt per prene un avantatge bèl: 26-10. Los Dragonets ensagèron plan de tornar: puntèron dos ensags (26-20), mas un novèl ensag salanqués e un tombat rendián la diferéncia insurmontabla e lo darrièr ensag sang e aur de Joan Guasch poguèt pas cambiar la destinada de la partida.
Los Burros de Pià metián un tèrme als cinc ans de regne audenc (4 titols per Lesinhan e un per Carcassona): 33-26.
Dimècres de vèspre a Ramonvila, se tendràn las finalas de Nacionala 3 (14 h) amb un campion audenc de designar entre Sant-Laurenç de la Cabrerissa e Preissan-Lauquet, puèi ( a 16h) de Nacionala 2 entre Ferrals e Clairac.
A Avinhon, plaça a las finalas de Copa dels minimes (XIII Catalan-Tolosa, a 17h) e cadets (MJC Carcassona-Albi, a 18 h)
Divendres, la Copa del Monde se passejarà dins Aude: lo matin, a Lesinhan; a miègjorn, a Limós; lo vèspre, a Carcassona; en fin de vèspre e serada a Vilanòva de Menerbés.
A Carcassona, dissabte de matin, lo Tornèg Ostric recamparà las escòlas de rugbi e de vèspre, las finalas de Copa se jogaràn a l’estadi Domèc: a 3 e mièja, la Copa Nitard dels juniòrs entre Avinhon e los Dragonets que voldràn signar lo doblat; a 6 oras, la finala de la Copa Lòrd-Derby ente Limós e Avinhon. Una partida que promet!
Diluns que serà lo 13 de mai, de 8 oras del matin a 9 oras de la nuèit,convidat pels Dragons del Lauquet, En Lluís Colet contarà pendent 13 oras l’istòria del XIII al restaurant Lo Barbés a Carcassona.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari