Bandièra01 1180x150: Comuna de Tolosa

Actualitats

L'Euroregion Pirenèus-Mediterranèa impulsa lo sieu primièr projècte Erasmus pels joves entrepreneires


Se potenciarà la formacion d'entrepreneires novèls e de nòvas petitas e mejanas entrepresas en las regions Lengadòc-Rosselhon, Miègjorn-Pirenèus e las comunitats autonòmas de Catalonha e de las Illas Balearas


L'Euroregion Pirenèus-Mediterranèa desvoloparà a comptar d'aqueste mes de mai un nòu projècte d'Erasmus per joves entrepreneires, qu'impulsarà de sojorns amb d’entrepreneires experimentats ont los entrepreneires novèls poiràn aquerir las abiletats que fan besonh per dirigir una petita o mejana entrepresa.



Lo projècte de l'Euroregion a ja recebut lo fuòc verd de l'Union Europèa (UE) que li a autrejat un cofinançament d’83% del budget total —près de 200 000 èuros— a travèrs del fons de la Direccion Generala d'Entrepresa e Indústria de la Comission Europèa. 
 


Amb aquela ajuda d'Erasmus per joves entrepreneires, pel primièr còp una Euroregion recep un cofinançament d'aquelas caracteristicas de la part de l'Union Europèa. Lo projècte, que se finaliza en abril de 2014 e qu'ofrirà 56 escambis entre los territòris, es coordenat per l'Euroregion Pirenèus-Mediterranèa amb las cambras de comèrci e indústria de Barcelona, Miègjorn-Pirenèus, Lengadòc-Rosselhon e lo centre Balear Euròpa. 
  


Erasmus per joves entrepreneires respond a la volontat de l'Euroregion Pirenèus-Mediterranèa d'impulsar de projèctes concrets amb de resultats capitalizables dins lo sieu territòri, en mai del besonh de promòure la creacion de nòvas entrepresas e de melhorar la capacitat empresariala, l'internacionalizacion e la competitivitat. 
  


Nascuda en 2004, l'Euroregion Pirenèus-Mediterranèa es formada pels govèrns autonomics de Catalonha e de las Illes Balears e per las regions occitanas de Miègjorn-Pirenèus e Lengadòc-Rosselhon. En 2009, se dotèt de personalitat juridica en creant l'Agropacion Europèa de Cooperacion Territoriala (AECT) Pirenèus-Mediterranèa.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Danís Tolosa
3.

Òsca ! una dralha de las bonas

  • 0
  • 0
Miquel Banyoles
2.

Molt i molt bo! :D

  • 0
  • 0
Joan Valéncia
1.

Llàstima que Valéncia (Comunitat Valenciana) no estigue dins d'aquesta Euroregion Pirenèus-Mediterranèa.

  • 0
  • 0

Escriu un comentari sus aqueste article