Almens 31 personas moriguèron diluns passat a causa de l’explosion de dètz veituras bomba contra d’objectius shiitas, a Bagdad e a Bassòra, segon de fonts policièras.
D’un costat, almens 20 personas moriguèron après l’explosion de uèch veituras en divèrsas estacions d’autobuses e diferents mercats de Bagdad, dins de quartièrs majoritàriament shiitas. De l’autre costat, almens onze personas moriguèron a Bassòra, la segonda vila del país, qu’es de majoritat shiita, segon de fonts policièras e medicalas.
De desenats de personas moriguèron la setmana passada a causa dels atemptats contra de sunnitas e de shiitas. Los atemptats arribèron a lor intensitat maximala dempuèi la retirada de l’armada estatsunidenca en decembre de 2011.
Solament per abril, se compta mai de 700 mòrts segon de donadas de l’ÒNU. Es lo pièger bilanç de las darrièras cinc annadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari