Actualitats
An descobèrt una nòva familha de medicaments contra lo càncer
En luòc d’atacar las tumors, ataca las cellulas tumoralas per mejan del sistèma immunitari. Los ensages se son aplicats en de cases de pacients amb de melanòmas avançats
La Societat Estatsunidenca d’Oncologia Medicala a presentat aquesta dimenjada passada, a Chicago, una nòva familha de medicaments que pòt far cambiar lo tractament dels cases de càncer, mai que mai dins los cases de melanòmas avançats, malgrat que pòsca èsser aplicable a las tumors de palmon, de ren e de colon qu’ajan ja facha la metastasi. S’agís del PD-1 e del PDL-1, qu’atacan las cellulas tumoralas per mejan del quite sistèma immunitari. Las conclusions de l’estudi fan partida d’una longa recèrca de l’inibidor PD-1, nomenat nivolumab dins de cases de melanòma avançat, e s’es demostrat un alongament de la subrevivença dels pacients de qualques 17 meses.
A l’estudi, i participèron 107 pacients amb de melanòmas anonciats que recebèron un tractament de nivolumab consistissent en uèch cicles e que se provesiguèt cada doas setmanas en cinc dòsis desparièras. A l’ora d’ara, s’avalora en de malauts que presentan de melanòmas avançats.
De responsables de la descobèrta an explicat aquesta dimenjada passada, al congrès de la Societat Estatsunidenca d’Oncologia Medicala, que la responsa del tractament foguèt “rapida e durabla”. L’objectiu inicial de responsa de las dòsis de nivolumab foguèt de 31% mas montèt fins a 41% dins de pacients amb una dòsi de 3 milligramas per quilograma. A la diferéncia dels CTLA-4, que son una molecula qu’empedís lo sistèma immunitari de destruir las cellulas tumoralas, gaireben la mitat dels pacients, 45%, an redusit d’almens 30% la mesura de la tumor après lo primièr ensag dins las uèch setmanas de tractament.
Los efièches segondaris mai comuns al nivolumab se presentan a la pèl, als sistèmas grastrointestinal e endocrin, malgrat qu’aja pas jamai excedit de 2% dels cases.
A l’estudi, i participèron 107 pacients amb de melanòmas anonciats que recebèron un tractament de nivolumab consistissent en uèch cicles e que se provesiguèt cada doas setmanas en cinc dòsis desparièras. A l’ora d’ara, s’avalora en de malauts que presentan de melanòmas avançats.
De responsables de la descobèrta an explicat aquesta dimenjada passada, al congrès de la Societat Estatsunidenca d’Oncologia Medicala, que la responsa del tractament foguèt “rapida e durabla”. L’objectiu inicial de responsa de las dòsis de nivolumab foguèt de 31% mas montèt fins a 41% dins de pacients amb una dòsi de 3 milligramas per quilograma. A la diferéncia dels CTLA-4, que son una molecula qu’empedís lo sistèma immunitari de destruir las cellulas tumoralas, gaireben la mitat dels pacients, 45%, an redusit d’almens 30% la mesura de la tumor après lo primièr ensag dins las uèch setmanas de tractament.
Los efièches segondaris mai comuns al nivolumab se presentan a la pèl, als sistèmas grastrointestinal e endocrin, malgrat qu’aja pas jamai excedit de 2% dels cases.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
nostra civilizacion existis e es la soleta a l'escala de la planeta e, a l'ora d'ara, es ligada au capitalisme per lo melhor e lo pitjor, lo piege la venta e la tecnica deis armas, lo melhor la medecina que nos alonga la vida que fai delonga de progrès.remarcaretz que per ara totei aquelei progrès se fan dins lo mond occidentau e se i a de cercaires e de premis nobel ambe de patronimes chinés, indo e autres vivon e trabalhan dins nostre societat que d'unei consideran coma l'abominacion de la desolacion e que pasmens a quauquei bons costats
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari