Actualitats
Agression xenofòba en la Lana Gran
Sièis joves estudiants d’enologia de China foguèron atacats dins lor domicili. Una gojata es estada grèvament ferida
Sièis joves chineses, estudiants d’enologia a Ostens (Lana Gran) dempuèi dos meses, son estats victimas d’atacs xenofòbs aquesta dimenjada. Una d’elas es seriosament ferida.
Los estudiants, qu’avián entre 22 e 30 ans, se trobavan dins lor domicili d’Ostens, quand foguèron “preses violentament per tres abitants de la comuna, visiblament en estat d’ebrietat, e coneguts pels servicis de gendarmariá”, çò ditz un comunicat que precisa que dos dels agressors foguèron interpelats.
Al cors de l’agression, una estudianta d’aperaquí 20 ans foguèt seriosament ferida a la cara perque li lancèron una botelha de veire. La joventa foguèt espitalizada a Bordèu.
Lo ministre francés de l’interior, Manuel Valls, condemnèt “amb una granda severitat aquel acte xenofòb, que sos autors ne deuràn respondre davant la justícia”.
Fa sonque dos meses qu’aqueles joves chineses arribèron al país per i seguir una escolaritat d’un an.
Segon lo director de l’escòla d’enologia dels joves, Georges Jouserrand, una de las victimas seriá la filha de l’èx-cònsol d’una vila chinesa, e mai se los mèdias chineses an raportat l’agression sens mençonar cap de ligam amb una personalitat politica.
Los internautas chineses an reagit amb indignacion e fòrça blògs demandavan de s’avisar abans d’anar en França e mai conselhavan de causir de païses melhors.
Los estudiants, qu’avián entre 22 e 30 ans, se trobavan dins lor domicili d’Ostens, quand foguèron “preses violentament per tres abitants de la comuna, visiblament en estat d’ebrietat, e coneguts pels servicis de gendarmariá”, çò ditz un comunicat que precisa que dos dels agressors foguèron interpelats.
Al cors de l’agression, una estudianta d’aperaquí 20 ans foguèt seriosament ferida a la cara perque li lancèron una botelha de veire. La joventa foguèt espitalizada a Bordèu.
Lo ministre francés de l’interior, Manuel Valls, condemnèt “amb una granda severitat aquel acte xenofòb, que sos autors ne deuràn respondre davant la justícia”.
Fa sonque dos meses qu’aqueles joves chineses arribèron al país per i seguir una escolaritat d’un an.
Segon lo director de l’escòla d’enologia dels joves, Georges Jouserrand, una de las victimas seriá la filha de l’èx-cònsol d’una vila chinesa, e mai se los mèdias chineses an raportat l’agression sens mençonar cap de ligam amb una personalitat politica.
Los internautas chineses an reagit amb indignacion e fòrça blògs demandavan de s’avisar abans d’anar en França e mai conselhavan de causir de païses melhors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ren ne pòt justificar atau una causa.
Diu vivant, ne son pas tostemps los caracos o gitanos qui hèn agressions contra los Chinés ! Arron París, daubuns que hèn las medishas causas en çò nòste. Ça'm par, que n'an hartèra de véser Chinés tornar crompar proprietats vinicòlas. Mès alavetz, perqué pas amassà's tot lo corau e anar véser dirèctament los que venen maines e castèths entaus chinés ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari