Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatAut DaufinatOesen

Los 40 ans del Pargue Nacional dels Escrinhs ben festats

Torrent de Sant Pèire
Torrent de Sant Pèire | surfphi
Sos primiers passes comencèron amb la creacion d’un “Pargue Nacional de la Berarda” en Oesen en 1913. E chauguèt esperar 1973 per la creacion oficiala del Pargue Nacional gràcias a l’impulsion dels alpinistas, de las associacions naturalistas e del Club Alpin Francés (CAF).
 
Son nom ven de la Barra dels Escrinhs, culminanta a 4 102 mètres d’altitud. Es lo som de las Alps occitanas (pudicament nomenaas las “Alps del Sud”), valent a dire la cima del Massís dels Escrinhs, del Dalfinat coma d’Occitània. Se tròba sus la comuna de La Pisha (Pelvoux en francés) dins la Valaa de Viera (Vallouise en fr.).
 
Denant l’annexion de la Comtat de Niça e de Savòia per França en 1860, s’ensenhava a l’escòla qu’èra lo ponch culminant d’aquel estat.
 
Lo pargue es dins dos departaments, las Autas Alps e Isèra, e doas regions, Provença-Alps-Còsta d’Azur e Ròse-Alps. Es situat quasi en totalitat en Occitània, levat un pichon canton del Borg d’Oesen (Arpitània) fins en Vaubonés (Occitània).
 
Es un dels cinc pargues nacionals d’Occitània amb lo Mercantor, Pòrtcròs, las Cevenas e los Pirenèus. I chal ajustar los pargues de la Vanoise en Savòia e, fòra Euròpa, aqueles de Guadalope, la Reünion e Guaiana.
 
Tot l’an, d’animacions son prepausaas per lo pargue e sos partenaris. Son tanben associats los estatjants e los vesitaires dels Escrinhs.
 
Lo programa s’intensifica l’istat amb los Rescòntres de l’Imatge de Montanha al Borg d’Oesen los 28 e 29 de junh de 2013. Una ocasion per totes, mendics coma adultes, de botar sa traça en participar al desfís fòto, a mostrar bòscs, combas e rius, a participar a las sortias de descubèrta e a las manifestacions localas prepausaas dins las diferentas valaas del massís.
 
Egalament dins aquel enchastre, la Valaa de Champoleon organiza la 1a edicion del festenal Champo l’Artiste.
 
Una cria a testimònis es lançaa a totes los chaminaires del massís per contar —sus quin supòrt que siá— son periple dins los Escrinhs, en utilizar almens un còp un mòde de transpòrt ecoresponsable dins los desplaçaments. Mai d’informacions sus ecrins.changerdapproche.org.
 
Una seleccion d’aqueles testimoniatges serà mesa en valor del temps dels eveniments organizats per los “40 ans” a l’auton de 2013.
 
 
 
 
Laurenç Revèst
 
 
 
_____
Lo programa complet es de descharjar.
Mapa de l’espaci geografic del pargue.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article