Bandièra01 1180x150: País Invisible

Actualitats

L’Universitat de Lhèida a aculhit la Setmana Occitanocatalana

Per l’eveniment s’assolida la collaboracion establa amb la seccion d’occitan de l’Universitat de Tolosa – Joan Jaurés

L’Univesitat de Lhèida a aculhit la Setmana Occitanocatalana
L’Univesitat de Lhèida a aculhit la Setmana Occitanocatalana

Tèxte legit

Del 15 al 17 de mai, l’Universitat de Lhèida aculhiguèt tornarmai d’estudiants e de professors d’occitan de l’Universitat de Tolosa – Joan Jaurés. Aquel escambi tradicional entre las seccions d’occitan de las doas universitats comprenguèt un fum d’eveniments dont de conferéncias de Jacme Gourc, Patric Sauzet e Vicenç Altaló; de teatre e de vespradas poeticas. La Setmana Occitanocatalana comencèt amb l’inauguracion  de l’exposicion “Lingüistica e literatura d’un costat e l’autre dels Pirenèus” e i aguèt una preséncia remarcabla de la literatura aranesa amb de tèxtes de Condò e Sandaran.

Atal s’assolida la collaboracion establa entre las doas universitats en matèria occitana, que se concretizèt fa qualques ans dins l’encastre d’un acòrdi Erasmus +, que permet que de professors e d’estudiants tolosans se pòscan gandir a Lhèida, e los lheidatans a Tolosa.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra 1 e 5 1180x150: Ben Aisit Bausen 17

Comentaris


I a pas cap de comentari

Escriu un comentari sus aqueste article