La sason d’escalada de prima a Chomolangma (tanben dich Sagarmatha o mont Everest) compta ongan dètz mòrts e aquela chifra tragica se poiriá ben doblar. La donada es inquietanta segon The Himalayan Database pr’amor que la mejana de mòrts entre 1993 e 2022 foguèt de 6,2. Fins ara, la chifra recòrd d’escalaires mòrts se visquèt en 2014 e foguèt de 16.

Aquel nombre inquietant de mòrts, qu’aumenta de mai en mai, es restacat a la massificacion de las parets d’escalada de la montanha pus nauta del Mond. Ongan, lo departament del torisme de Nepal a expedit 478 permeses per ascendir sus la cima, una chifra en fòrta pojada. Compte tengut del fach que cada alpinista deu èsser acompanhat per un sherpa, se calcula qu’aperaquí 900 personas poirián ensajar d’arribar a la cima aquesta temporada.

🚨🏔En Himalaya, la situation reste compliquée sur les pentes du Mont Everest. Les vagues d’alpinistes s’enchaînent sur le sommet ce qui multiplie les accidents mortels et les disparitions. 2 grimpeurs sont ainsi décédés hier, alors que 3 disparus sont recensés par les autorités pic.twitter.com/UCowc4t8yJ

— the_8000m (@8000mThe) May 22, 2023

Un drapèl occitan sus la cima

Mentretant, fa qualques jorns rintrèt en Aran una expedicion de 13 femnas a la montanha pus nauta del Mond. Atenhèron lo campament base e quitament capitèron de plaçar un drapèl occitan sus la cima.

🗻💜 Es 'Hemnes tath Nepal' ja son en casa e an artenhut qu'un drapèu aranés arribe en tuc der Everesthttps://t.co/Nf16Hmkankpic.twitter.com/PCajEmyLf8

— CatInfo Aran (@cati_aran) May 19, 2023