Bandièra01 1180x150: Comuna de Tolosa

Actualitats

Un paquebòt de crosièra nèga doas comunas sus las ribas de Garona en quitar lo pòrt de Bordèu

Un rapòrt preliminar conclutz que la causa seriá “la velocitat excessiva del vaissèl en aquel endrech precís de Garona”

| @Fred_html

Tèxte legit

Lo paquebòt de crosièra Seven Seas Splendor causèt dissabte de degalhs grèus a las comunas de Sant Loís de Montferrand e Sant Jacme d’Ambés (Entre duas mars), situadas sus una peninsula fluviala entre Dordonha e Garona. En quitar lo pòrt de Bordèu, ont fasiá escala, lo naviri provoquèt una èrsa giganta qu’inondèt las ribas de Garona. Al delà dels damatges dins qualques òrts e ostals, l’estrada entre Sant Loís e Ambés demorèt negada e barrada dins los dos senses. L’èrsa desplacèt quitament de pèiras de 200 a 300 quilos retrobadas sus la rota. Per astre, i a pas agut cap de degalh personal.

En esperar lo resultat de l’enquista, un rapòrt preliminar comunicat dimars en fin de jornada pel grand pòrt maritim de Bordèu conclutz que “lo sol element que permeta d'explicar la subrevenguda de l'èrsa de submersion [...] es la velocitat excessiva del vaissèl en aquel endrech precís de Garona”.

Lo Seven Seas Splendor es un paquebòt de 1300 passatgièrs, 10 ponts, 220 mètres de long e 31 mètres de larg. Dissabte que ven, deu tornar far escala a Bordèu.

 

 

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article