Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautLauragués

Spanghero es renascut jol nom de La Lauraguesa

| AFP

L’entrepresa agroalimentària de Castèlnòu d’Arri (Lauragués), Spanghero, dobriguèt ièr sas pòrtas rebatejada “La Lauragaise” (La Lauraguesa), per far oblidar l’escandal de la carn de caval.


Laurent Spanghero e sos sòcis an volgut far una pèl nòva a l’entrepresa plaçada en liquidacion en abril passat e que foguèt en risc de desaparéisser en seguida de la polemica de la carn de caval. Tre ara es La Lauraguesa que ven de reprene l’activitat amb 95 salariats.
 
Après obténer la represa d’activitat pel tribunal de comèrci de Carcassona lo 5 de julhet passat, Laurent Spanghero, cofondador d’origina, reprenguèt las retnas de l’entrepresa amb dos partenaris. L’entrepresa, doncas, reprenguèt ièr son activitat amb una reduccion d’efectius de gaireben 60%.
 
Spanghero indiquèt a La Dépêche aver trobat “qualques clients” susceptibles de reprendre l’activitat dels plats cosinats. Los primièrs produches seràn comercializats jos la marca del distributor, e apuèi, dins un segond temps, jos l’apelacion “Sabors dels terraires”. Comptan tanben de relançar l’activitat de transformacion de la carn de l’usina de Castèlnòu d’Arri.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jacme Tolosa
2.

sul nom de "La Lauraguaise", cal pas mesclar, lo nom legal es aquel, non pas aquel en occitan !

  • 1
  • 0
Alavetz
1.

Una plan maishanta novèla per las futuras victimas (vacas, chavals, oelhas, pòrcs…).

  • 1
  • 5

Escriu un comentari sus aqueste article