Actualitats
Los Estats Units an barrat un vintenat d’ambaissadas a causa d’una “menaça significativa terrorista"
França e lo Reialme Unit an anonciat tanben lo barrament de las lors ambaissadas en Iemèn
Los Estats Units barrèron ièr vint e doas ambaissadas e consolats dins qualques païses del Mond Arabi pr’amor d’una “menaça significativa d’atac terrorista”, segon l’intercepcion de comunicacions entre de membres de naut reng d’Al Qaida. “Se tracta d’una menaça significativa e nos cal reagir en consequéncia”, çò declarèt lo cap de l’estat major, lo General Martin Dempsey, en una entrevista a la cadena ABC que s’emetèt ièr dimenge.
“Es tanben una menaça mai especifica qu’en de cases precedents” e, segon Dempsey, es en rapòrt amb un atac potencial “contra l’Occident, non solament contra los interèsses estatsunidencs”. Lo president Barack Obama recebèt las informacions actualizadas sus aquela menaça de la part de la siá conselhièra antiterrorista, Lisa Monaco, e ordenèt lo barrament de las ambaissadas.
Segon CNN, que cita de fonts oficialas, los servicis d’intelligéncia estatsunidencs an d’informacions qu’Al Qaida de la Peninsula Arabica (AQAP), amb sèti en Iemèn, se tròba “dins las darrièras estapas de la planificacion d’un atac”. Aqueles quites servicis an susvelhat “una menaça creissenta” contra d’objectius estatsunidencs e occidentals de la part d’AQAP pendent qualques setmanas.
En mai de far barrar las 22 ambaissadas e consolats per seguretat, lo Departament d’Estat a emés una alèrta mondiala de viatge pels estatsunidencs e avertís sus “la possibilitat continua d’atacs terroristas”, mai que mai en l’Orient Mejan e en lo Nòrd d’Africa, e que pòdon venir de la Peninsula Arabica.
Lo president francés, François Hollande, anoncièt tanben lo barrament per qualques jorns de l’Ambaissada de França en Iemèn, e tocant las menaças d’Al Qaida diguèt que la decision s’es presa en partent de las donadas fornidas per las autoritats estatsunidencas.
Lo Reialme Unit decidiguèt tanben de barrar son ambaissada en Iemèn, fins a uèi diluns, coma “mesura de precaucion”, e a aconselhat als ciutadans britanics que sián dins aquel país que se n’anen.
“Es tanben una menaça mai especifica qu’en de cases precedents” e, segon Dempsey, es en rapòrt amb un atac potencial “contra l’Occident, non solament contra los interèsses estatsunidencs”. Lo president Barack Obama recebèt las informacions actualizadas sus aquela menaça de la part de la siá conselhièra antiterrorista, Lisa Monaco, e ordenèt lo barrament de las ambaissadas.
Segon CNN, que cita de fonts oficialas, los servicis d’intelligéncia estatsunidencs an d’informacions qu’Al Qaida de la Peninsula Arabica (AQAP), amb sèti en Iemèn, se tròba “dins las darrièras estapas de la planificacion d’un atac”. Aqueles quites servicis an susvelhat “una menaça creissenta” contra d’objectius estatsunidencs e occidentals de la part d’AQAP pendent qualques setmanas.
En mai de far barrar las 22 ambaissadas e consolats per seguretat, lo Departament d’Estat a emés una alèrta mondiala de viatge pels estatsunidencs e avertís sus “la possibilitat continua d’atacs terroristas”, mai que mai en l’Orient Mejan e en lo Nòrd d’Africa, e que pòdon venir de la Peninsula Arabica.
Lo president francés, François Hollande, anoncièt tanben lo barrament per qualques jorns de l’Ambaissada de França en Iemèn, e tocant las menaças d’Al Qaida diguèt que la decision s’es presa en partent de las donadas fornidas per las autoritats estatsunidencas.
Lo Reialme Unit decidiguèt tanben de barrar son ambaissada en Iemèn, fins a uèi diluns, coma “mesura de precaucion”, e a aconselhat als ciutadans britanics que sián dins aquel país que se n’anen.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quin podèm enqüèra créser los servicis d’inteligéncia estatsunidencs ? Aqueste ahar d’Al Qaida adara qu’ei ua engana de mei entà que lo monde aja paur. Totis sabèm qu’Al Qaida estoc creada e finançada peus EU eths medish.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari