Bandièra01 1180x150: Comuna de Tolosa

Actualitats

Los immigrants berbèrs per l’independéncia de Catalonha

| ACDPAC

La comunautat berbèra de Catalonha decidiguèt, en amassada generala, d’aderir a l’Assemblada Nacionala Catalana e de participar de la seccion d’immigracion, segon l’Ostal Amazigh de Catalonha


Segon un comunicat de l’Ostal Amazigh de Catalonha e lo Movement pels Dreches e las Libertats del Pòble Amazigh, la comunautat berbèra participa aital tornarmai al procès “per la libertat e l’independéncia del pòble catalan”. A respècte del “procès d’autodeterminacion de la nacion catalana nos sentissèm coma una part engatjada e activa”, çò ditz la comunautat amazigh que mòstra sa volontat de “far ensems aqueste camin de libertat”.
 
La collaboracion mai activa dels amazighs dins l’ANC serà dins la seccion d’immigracion.
 
Los berbèrs, o amazighs, son la comunautat immigrada mai importanta del país catalan, amb aperaquí 252 000 amazighs segon las donadas de la Generalitat de Catalonha. Lor lenga es la tresena mai parlada en Catalonha, après lo catalan e l’espanhòl.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jan Astruc Vilanava d'Ador
2.

Que'm tarda de saber lo resultat deu referendum d'autodeterminacion deus catalans. Jo que m'atendi a ua suspresa a contracorrent e un copacap tà la Generalitat. A prepaus, s'an lo dret de votar en Catalonha, los berbères d'acerà ?

  • 1
  • 6
Eric Aubanha
1.

Òsca per la solidaritat inter nacions !

  • 6
  • 0

Escriu un comentari sus aqueste article