Actualitats
Una novèla manifestacion pel l’abolicion de la tauromaquia retarda una corrida a Carcassona
Les militants animalistas se retrobèren a Carcassona dissabte passat per reclamar l’abolicion de la tauromaquia mentre que dins la vila s’organizava quatre corridas que i morisquèren 18 braus e un caval.
Les jorns precedents, la tension montèc en seguida de la preséncia publica dels animalistas e d’una inscripcion anonima sus las arenas “Ni art, ni cultura: tortura”. Per marcar la dubertura de la fèria, l’Aligança Anticorrida paguèc un afichatge public en 4 × 3 mètres per illustrar çò que les abolicionistas repròchan a la corrida amb la fotografia d’un brau nafrat.
Una prumièra manifestacion dissabte maitin reünisquèc mai de 200 personas que proclamavan eslogans coma “corrida basta” e “la tortura es pas nòstra cultura”.
La vrespada, la polícia (CRS) —desplegada en nombre— bloquèc al pont d’Aude les manifestants que volián anar prostestar davant las arenas. Un quarantenat arribèren a rejúnher l’autra riba per l’aiga per se fèr ausir de las arenas, mès tanplan trobèren la polícia de l’autre costat.
Parallèlament e dins la madeisha zòna de la vila, se teniá una partida de rugbi. Aquela situacion fasquèc que les espectators dels dus eveniments podián pas passar tanpauc. La confusion que regnava balhèc l’ocasion d’escambi d’insultas pas totjorn plan en rapòrt amb la question tauromaquica.
Coma la circulacion èra trencada, les aficionados devèren fèr un contorn per assistir a l’espectacle controvertit que comencèc alavetz amb mès d’una ora de retard. A l’intrada de las arenas, ont se podiá ausir les pòrtavotzes dels manifestants, les contraròtles èran omnipresents en aplicacion del plan antiterrorista Vigipirate.
La tension regnava donc al torn de las arenas e le mond èran visiblament inquiets que se reprodusiguèsse çò que se passèc a Arrion la setmana passada ont abolicionistas sautèren dins las arenas. Avián benlèu rason de se malfisar, que dimenge a Mérida (Espanha), un joen animalista sautèc el tanben dins las arenas per protestar contra la retransmission de la corrida a la television espanhòla a l’ora que les mainatges son a l’ostal.
OMF
Les jorns precedents, la tension montèc en seguida de la preséncia publica dels animalistas e d’una inscripcion anonima sus las arenas “Ni art, ni cultura: tortura”. Per marcar la dubertura de la fèria, l’Aligança Anticorrida paguèc un afichatge public en 4 × 3 mètres per illustrar çò que les abolicionistas repròchan a la corrida amb la fotografia d’un brau nafrat.
Una prumièra manifestacion dissabte maitin reünisquèc mai de 200 personas que proclamavan eslogans coma “corrida basta” e “la tortura es pas nòstra cultura”.
La vrespada, la polícia (CRS) —desplegada en nombre— bloquèc al pont d’Aude les manifestants que volián anar prostestar davant las arenas. Un quarantenat arribèren a rejúnher l’autra riba per l’aiga per se fèr ausir de las arenas, mès tanplan trobèren la polícia de l’autre costat.
Parallèlament e dins la madeisha zòna de la vila, se teniá una partida de rugbi. Aquela situacion fasquèc que les espectators dels dus eveniments podián pas passar tanpauc. La confusion que regnava balhèc l’ocasion d’escambi d’insultas pas totjorn plan en rapòrt amb la question tauromaquica.
Coma la circulacion èra trencada, les aficionados devèren fèr un contorn per assistir a l’espectacle controvertit que comencèc alavetz amb mès d’una ora de retard. A l’intrada de las arenas, ont se podiá ausir les pòrtavotzes dels manifestants, les contraròtles èran omnipresents en aplicacion del plan antiterrorista Vigipirate.
La tension regnava donc al torn de las arenas e le mond èran visiblament inquiets que se reprodusiguèsse çò que se passèc a Arrion la setmana passada ont abolicionistas sautèren dins las arenas. Avián benlèu rason de se malfisar, que dimenge a Mérida (Espanha), un joen animalista sautèc el tanben dins las arenas per protestar contra la retransmission de la corrida a la television espanhòla a l’ora que les mainatges son a l’ostal.
OMF
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Complement d’informacion:
Les aficionados se planhen d’aver recebut faussa sang e un còp de pancarta.
https://www.facebook.com/photo.php?v=427466224038116&set=vb.124545531037168&type=2&theater
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari