Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautLauragués

An cremat catòrze veïculs en mièja ora a La Vaur

Catòrze veïculs foguèron cremats dimècres passat a La Vaur (Lauragués) en l’espaci de mièja hora. Las autoritats e la populacion son estonadas qu’un vandalisme talament grand siá arribat dins una vila de qualques 11 000 abitants.
 
Los faches se debanèron a 2h30, quand sèt veïculs foguèron meses a fuòc, e las flamas se propaguèron a sèt autres.
 
“I a pas cap de precedent. I a totjorn agut, coma dins totas las vilas de França, una veitura que cremava un còp per an que sabiam pas s’èra una escrocariá a l’assegurança o autra causa”, çò disiá lo cònsol de la vila, Bernard Carayon.
 
Lo fuòc damatgèt tanplan un bastiment abitat qu’èra près de las veituras.
 
A l’ora d’ara se sap pas qui o a fach ni perqué. Los responsables serián un desenat d’individús segon France 3.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Raibeart Brus Allt a' Bhonnaich
3.

Me damne!

La crosada a tornat començar!

A FVRORE NORMANNORVM LIBERA NOS DOMINE !

  • 3
  • 1
Ferriòl
2.

#1 As plan rason!

  • 3
  • 1
Amalric de Montreal Montreal de Carcassés
1.

« I a pas cap de precedent. » ?! A La Vaur, lo vandalisme dels braus e dels salvatges, lo coneissèm pro plan pr'aquò ! Fa uèit cent dos ans, son pas autòs que i brandèron, mas umans,, e te pengèron aut e cort totes los qu'ensagèron de s'i opausar, quora los t'i saquèron pas vius al fonss del potz…

  • 5
  • 2

Escriu un comentari sus aqueste article