Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasRasés

Descobrir lo Carnaval de Limós dins la lenga del país

| Pinpin
De vesitas guidadas en occitan se debanaràn ongan al Carnaval de Limós (Rasés), una de las manifestacions mai tradicionalas ont la lenga nòstra es plan presenta.
 
Aculhiràn e comentaràn las sortidas Margarida Urroz, carnavalièra e formatritz en lenga occitana, e Joan-Claudi Bouchareu, carnavalièr e creator de l’escòla occitana de Limós.
 
Lo Carnaval de Limós es lo mai long del Mond. L’edicion que ven començarà lo 26 de genièr e s’acabarà lo 6 d’abril. Se debana totas las dimenjadas e pendent la setmana folclorica. Se caracteriza per una alternància de sortidas de bandas de peiròts unicament sus la plaça principala de la vila.
 
Se tracta d’una manifestacion fidèla a travèrs dels sègles a sos rites e tradicions. Es un movement popular vertadièr, amb las bandas e los quartièrs de la vila que l’organizan dempuèi longtemps.
 
Per vesitar lo Carnaval de Limós en occitan se cal inscriure abans lo 15 de decembre. Per mai d’informacions podètz sonar lo +33 (0)4 68 31 67 18 o enviar un e-mail a cerel11(a)orange.fr.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc BARDÒU
5.

Lo Carnaval de Limós non es un espectacle, mas una fèsta. "Visitar Carnval", per ieu, es una inepcia, un non-sens. Carnaval se fèsta, aquò's tot. Visitariatz Pascas, o Nadal, o Sant Joan d'estiu ?…

  • 0
  • 1
Eric Tolosa
4.

#1
Eu que sou de uma família com um lado português eo outro lengadociense, assim Limoux seria um paraíso ;-)
Eu que soi d'una familha amb un costat portugués e de l'autre lengadocian, alara Limós seriá un paradís ;-)

  • 6
  • 0
Terric Lausa Quilhan
3.

#1

Visitar le carnaval de Limós en occitan, aquò's quicòm plan. Mas fèr le carnaval en occitan seriá encara milhor.

Malaürosament n'i a pas pus gaire de mond que sàpian chinar en occitan. La consequéncia es que les mascarats chinan gaireben pas pus e le carnaval es cada còp mès mut. Entre saupre pas parlar occitan e se calhar, godils e bandas se calhan ja que la china se pòt pas fèr en francés.

Quitament lo jutjament de Carnaval en occitan es enregistrat.


  • 6
  • 0
Casterà Val d'Aran
2.

#1 Perqué lieges eth Jornalet?

  • 10
  • 1
Cap e tot
1.

Suu mercat de Limós, que's parla mei portugués que non pas lengadocian.

  • 1
  • 9

Escriu un comentari sus aqueste article