Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth conselhèr de Benestança Sociau e Familha, Josep Lluís Cleries, ena Val d'Aran





Maugrat eth tresau plan d'austeritat anonciat peth Govèrn de Catalonha, se manten era aportacion de Benestança Sociau e Familha ath Conselh Generau d'Aran


| Conselh Generau d'Aran

Eth sindic d'Aran, Carlos Barrera, arregraïc plan ath conselhèr de Benestança Sociau e Familha dera Generalitat de Catalonha, Josep Lluís Cleries, eth hèt qu'"en aguesti moments de dificultat economica e de retalhades enes departaments dera Generalitat, age volut mantier era aportacion economica deth sòn departament ath Conselh Generau d’Aran", e li demanèc que "hèsque d’ambaishador dera realitat e dera singularitat d’Aran, entath rèste de conselhèrs deth Govèrn dera Generalitat".





Eth conselhèr de Benestança Sociau e Familha dera Generalitat de Catalonha, Josep Lluís Cleries, que visitèc ager dimèrcles era Val d’Aran. Eth conselhèr e eth sindic d’Aran, Carlos Barrera, signèren eth contracte programa entre es dues institucions, çò que comportarà era aportacion ath Conselh Generau d'Aran, de 314 000 èuros, entar ampliament de places ena Residéncia Sant Antòni de Vielha; 7500 èuros entà politiques en defensa des drets des hemnes; 35 000 èuros entà politiques d’immigracion e 23 000 èuros entath Sistèma Integrau d’Atencion Espitalària.


 



Cleries, qu'profitat era visita a Aran, entà anonciar eth nau Plan Nacionau de Valors de Catalonha, impulsat pera conselheria de Benestança Sociau e Familha, entà auançar enes valors deth respècte ath Miei ambient, dera Educacion e dera Cultura. Eth conselhèr catalan a explicat que i a ja 16 grops de trabalh organizadi que s'amassaràn lèu damb eth president dera Generalitat, entà auançar en aguest camin.

 

Cleries siguec arrecebut en Ajuntament de Vielha e Mijaran peth baile Àlex Moga, e dempús eth sindic d'Aran l'acompanhèc ena Casa deth Senhor d’Arròs, sedença institucionau deth Conselh Generau d’Aran, a on siguec arrecebut peth Plen e signèc en libe d’aunor dera maximala institucion aranesa. 
 


Pendent eth sòn sojorn en Aran, Cleries que visitèc tanplan es installacions deth Centre d'Emplec de Dia (ADDA), a on compartic damb es responsables deth centre e damb es escolans un moment dera jornada e coneishèc es activitats e es talhèrs que s’i hèn entà integrar sociauments es persones andicapades psiquicaments. Mès tard eth conselhèr catalan e eth sindic d’Aran que visitèren era Residéncia geriatrica Sant Antòni de Vielha. Era visita qu'acabèc damb ua visita ara Aubèrja 'Era Garona' de Salardú.



Ferriòl Macip

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article