Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaCrau

La darrièra pintura descobèrta de Van Gogh s’expausa ja a Amsterdam

Solelh Colc a Montmajor se dessenhèt al país d’Arle l’estiu de 1888

Al començament de setembre se descobriguèt una òbra de Vincenç van Gogh, qu’èra fins alavetz descatalogada. Solelh Colc a Montmajor (1888) es la primièra pintura de grand format de l’autor que se descobrís dempuèi 1928. Qualques setmanas puèi, lo Musèu d’Amsterdam consagrat a Van Gogh l’expausa. La pintura mòstra un païsatge de la garriga de Crau e las roïnas de l’Abadiá de Montmajor al fons.
 
L’òbra se trobèt pendent fòrça ans dins un apartament en Norvègia, e lo quite musèu l’aviá considerada falsa. Mas l’estudi de la correspondéncia entre lo pintor e son fraire n’a demostrat l’autenticitat.
 
Un article complet reconstrutz tota l’istòria e se publica dins lo numèro d’octòbre de The Burlington Magazine.
 
Cal remembrar qu’a travèrs de l’Institut Cultural Google se pòt accedir a cent cinquanta un imatges en nauta resolucion d’òbras expausadas al Musèu Van Gogh d’Amsterdam. S’i compren pas encara Solelh Colc a Montmajor.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article