Actualitats
L'ensenhament de l'occitan es en perilh a Montpelhièr
Lo CREO Lengadòc denóncia una demolicion anonciada de l'ensenhament de l'occitan al Clapàs
L'ensenhament de l'occitan a l'academia de Montpelhièr es en perilh segon lo Centre Regional d'ensenhament de l'Occitan (CREO Lengadòc), qu'a iniciat una peticion en linha per amassar de signaturas.
Lo rectorat de l’academia de Montpelhièr a anonciadas de mesuras que, segon lo CREO Lengadòc, meton en perilh l'ensenhament de l'occitan.
Demest aquelas mesuras se parla de la supression d’un emplec a miei temps d’animacion pedagogica, en foncionant dempuèi 1982, suls mejans especifics atribuits pel ministèri pel desvolopament especific de las lengas regionalas. S'agís d'un pòste que permetiá de metre en marcha los projèctes pedagogics del primièr e del segond gra, amb l’ajuda de las collectivitats territorialas.
Al delà, se pretén redusir considerablament la mejana d'accion de l'encargat de mission academica e las siás foncions de responsabilitat, mai que mai sus las gestion dels mejans e la seguida dels ensenhaments.
Son tanplan menaçats los pòstes dels conselhièrs pedagogics dels departaments d'Aude e de Gard, vist que i après la lor retirada seràn pas remplaçats.
Per tot aquò, lo CREO Lengadòc a lançat una peticion en linha que los signaires demandan al rector de l'academia de Montpelhièr de tornar pensar las decisions, perque aurián de consequéncias desastrosas sus l'existéncia de l'ensenhament de l'occitan.
Al delà, s'a mandat tanben una lètra a las autoritats en lor explicant la trajectòria de l'ensenhament de l'occitan a l'academia de Montpelhièr e las menaças que lo fan perilhar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
EDR!
Mas bon, benlèu que los marcians mostrarián mai de sentiments....
#2
Sonar los Marcians a l'ajuda seriá encara mai rapid ...
Autra solucion per solucionar las empachas que l'estat francés desvolopan contra l'occitan en Occitània: sortir l'estat francés d'Occitània ?
Mèstres a l'ostal! Revolucionari, non?
Sembla, que l'ensenhament de l'Occitan se desvolòpe a doás condicions :
1 - Una Convencion dels territòris ambe l'Educacion Nacionala, necessari mès basta pas.
2 - Un sosten fòrt dels elegits territorials a la Convencion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari