Actualitats
Femen a protestat dins lo parlament espanhòl contra la reforma restrictiva de l’avortament
Tres activistas de l’organizacion feminista Femen irrompèron dimècres passat dins lo Congrès dels Deputats espanhòl, se levèron la camiseta e cridèron “L’avortament es sagrat.” L’accion se passèt pendent l’intervencion del ministre de la justícia, Alberto Ruiz Gallardón, qu’impulsa una reforma restrictiva de la lei de l’avortament.
Las tres joves, qu’èran a la tribuna dels convidats, esperèron la primièra intervencion de Gallardón per far aquela accion entre los aplaudiments de qualques deputats d’Esquèrra Unida (IU) e los planhs dels del Partit Popular (PP). Foguèron fòrabandidas pels gàrdias de seguretat de la cambra. Lo president del congrès, Jesús Posada, demandèt als servicis de la cambra d’agir “amb suènh”.
Fòrça entitats e mai d’un expèrt an manifestat lor posicion contra lo plan de modificacion, tocant la lei de salut sexuala e reproductiva e l’interrupcion volontària d’emprenhament, que lo govèrn espanhòl vòl aprovar, perque voldriá dire que se tornariá abans la reforma de 2010 e, aital, se poiriá daissar sens cobertura legala 100 000 femnas de las 120 000 qu’interrompon cada an lor grossesa. Qualques unas d’aquelas associacions alèrtan que la reforma de Gallardón pòt far créisser los avortaments clandestins e insegurs, amb los viatges a l’estrange per avortar.
Las tres joves, qu’èran a la tribuna dels convidats, esperèron la primièra intervencion de Gallardón per far aquela accion entre los aplaudiments de qualques deputats d’Esquèrra Unida (IU) e los planhs dels del Partit Popular (PP). Foguèron fòrabandidas pels gàrdias de seguretat de la cambra. Lo president del congrès, Jesús Posada, demandèt als servicis de la cambra d’agir “amb suènh”.
Fòrça entitats e mai d’un expèrt an manifestat lor posicion contra lo plan de modificacion, tocant la lei de salut sexuala e reproductiva e l’interrupcion volontària d’emprenhament, que lo govèrn espanhòl vòl aprovar, perque voldriá dire que se tornariá abans la reforma de 2010 e, aital, se poiriá daissar sens cobertura legala 100 000 femnas de las 120 000 qu’interrompon cada an lor grossesa. Qualques unas d’aquelas associacions alèrtan que la reforma de Gallardón pòt far créisser los avortaments clandestins e insegurs, amb los viatges a l’estrange per avortar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'avortament, que sia un dret sacrat o un mau necessari, que'u cau guardar e que'u cau deféner parièr!
#4 De còps, si, malaürosament, e ne pòdi parlar sens jutjar degun. De segur, soi contra l'enebiment de l'avortament (e contra la politica del PP), pr'amor que pausariá mai de problèmas que ne resolveriá, amb d'injustícias socialas e la clandestinat, mas pensi que cal sempre considerar las causas de biais etic e responsable. Se tracta d'interrompre un procèssus que dona la vida. Aquò s'amerita una reflexion mai prigonda qu'un eslogan fach per provocar... La lei Weil, en França, a pas fach demenir lo nombre d'avortaments, mentre que se faguèt segon aquela mira, amb tanben una liberalizacion de la contracepcion... Perqué? Per èsser d'a fons onèst, devi dire qu'amb un avortament legal, mon paire seriá pas nascut. Ni ieu coma soi ara, evidentament.
#1
Cal aver lo còr plan tancat e endurcit per daissar pensar que l'avortament per una femna (o per un coble) pòsca èsser quicòm autre qu'un "pis-aller", atrament dit un crèba-còr.
Mon car Pèire Cardenal, la cresesnça monoteïsta a pas l'exclusivitat de çò "sacrat". Etimologicament, "sacrat" qualifica çò que non podèm tocar. A pas res a veire a priòri amb la religiositat monoteïsta. E quantes son los laïcasses que refusan que se tòque a l'uniformisme franco-francés de "la" cultura dins l'estat francés ? Quantes atèus podèm comptar demèst los que vòlon pas ausir parlar de las lengas de França. L'unicitat del francés dins lor fotut d'empèri colonial exagonal lor es quicòm de sacrat, per definicion. Coma o diguèron mantes amb ieu, çò sacrat es fait per èsser transgressat. Los trobadors disián aquò JOVENS…
ai coneigut ço qu'èra l'avortament abans la lei Weil e fai affre, ei bon que siegue autorizat.aquo dich, que de femnas nudas o abilhadas cridèsson : l'avortament ei sagrat me pareis inconcebla. la vida ei sagrada e dins leis espitaus fan tot per la prolongar e soventei fes capitan ben; l'avortament es un "pis aller" e lei mejans anticoncepcionaus devon éstre privilegiats ! emai que de furias que creson pas en Dieu e que manifestan dins lei catedralas troban quauquaren de sagrat, aquo m'abalauvis....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari