Bandièra01 1180x150: Comuna de Tolosa

Actualitats

Se parla occitan dins lo filme de la Via Catalana

Lo collaborador de Jornalet, Joan-Marc Leclercq, i explica sa preséncia

Just un mes après la reüssida Via Catalana, l’Assemblada Nacionala Catalana presentèt divendres passat lo filme de la cadena umana per l’independéncia de Catalonha dins los cinèmas de qualques 70 vilas catalanas.
 
Dins aquel filme se parla tanben en occitan. A la 15a minuta, lo collaborador de Jornalet Joan-Marc Leclercq explica, en lenga nòstra, sa participacion.
 
Dins aquel filme, Leclercq se ditz favorable a l’independéncia de Catalonha perque “mei [i a] identitats politicas petitas, mei democraticas” son. Al delà, explica que planh la manca d’informacions sul procès catalan dins l’estat francés e que “cau un eveniment coma aqueth entà muishar [au public francés] que los catalans son determinats a l’independéncia”.
 
Lo filme es la constatacion grafica de la manifestacion màger e lo DVD se pòt ja comprar als quiòsques catalans.
 
 

 
 
___
 
Treilèr del filme:

 


Intervencion de Joan-Marc Leclercq:
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Grande Gèli Lairac en Agenés
2.

L'amic Joan Marc Leclercq es per l'independéncia de Catalonha ... Òsca !
Per èl Occitània es una Nacion tant coma Catalonha ?
E l'idèa d'independéncia per Occitània que ne pensa ?

  • 8
  • 0
Jacme
1.

Òsca al Joan-Marc e als autres occitans presents aquel 11 de setembre de 2013 ! Aquela data a marcat l'istòria de Catalonha. En tot esperar que servisca a quicòm pr'aquò ...

  • 12
  • 0

Escriu un comentari sus aqueste article