Dedicarem aquesta cronica a la memòria de Vincenç Cantoni que ven de morir. Èra de la famosa virada de 1951 (marquèt dos ensags dins lo primièr tèst ganhat contra Austràlia 26-15) e tanben dins l’esquipa de França de 1954 que joguèt la primièra edicion de la Copa del Monde. Alièr del Tolosa Olimpic, portèt 24 còps lo malhòt dels Blaus entre 1948 e 1954. Foguèt un temps còentraïnaire de l’esquipa de França. Son filh, Jaume, arrièr del XV de França, desapareguèt, el, fa unes meses.
Lo XIII de França a pas pogut prene l’avion aqueste diluns de matin per tornar al país. Lo transpòrt es remés a aqueste dimars, en rason de la tempèsta. Mas la tempèsta mai gròssa es per venir: tota negra, anonciada sus Avinhon per aqueste divendres de nuèit e metamorfosada jos la forma de 17 Kiwis.
Aqueste diluns en serada a Rochdale, l’esquipa de Fiji, mièjafinalista en 2008, a pres una opcion sus la qualificacion pels quarts de finala dins la pola A. Fàcia a Irlanda, los fijians marquèron dos ensags dins lo primièr quart d’ora. L’afrontament plan fisic vegèt los irlandeses dominar mas s’acontentèron de marcar un ensag contra una penalitat: 12-4 a la pausa pels fijians. Dins lo segond temps, la rapiditat d’execucion fijiana preniá lo pas sus la volontat irlandesa e se concretizava per 4 novèls ensags: 36-4 a la 67a. Los dos ensags irlandeses (un de l’èx-Drac Damien Blanch a la 77a) de la fin de partida ramenavan la marca a un mai logic 32-14.
Aqueste dimars, Escòcia e Tònga se rescontran a Workington e lo primièr torn se clavarà deman dimècres amb l’oposicion USA-Ilals Cook a Bristol.
Rebombs de pauma
Disciplina. Dos jogaires son passats davant la Comission de Disciplina per èsser punits d’una partida per unes placatges nauts: l’anglés Sam Burgess e lo talonaire papó Paul Aiton.
Mòstra. De pas mancar aquesta setmana a la Comuna de Carcassona: la mòstra suls 50 ans de la seccion XIII de l’Ostal dels Joves e de la Cultura. I traparetz l’èime del rugbi e la marca d’un formidable trabalh de formacion.
Convencion. L’FFR XIII ven de signar una convencion amb l’FFSU, la Federacion de l’Espòrt Universitari. Aquò dobrís la pòrta a d’accions de promocion e a la mesa en plaça d’un campionat interuniversitats.
Lo XIII de França a pas pogut prene l’avion aqueste diluns de matin per tornar al país. Lo transpòrt es remés a aqueste dimars, en rason de la tempèsta. Mas la tempèsta mai gròssa es per venir: tota negra, anonciada sus Avinhon per aqueste divendres de nuèit e metamorfosada jos la forma de 17 Kiwis.
Aqueste diluns en serada a Rochdale, l’esquipa de Fiji, mièjafinalista en 2008, a pres una opcion sus la qualificacion pels quarts de finala dins la pola A. Fàcia a Irlanda, los fijians marquèron dos ensags dins lo primièr quart d’ora. L’afrontament plan fisic vegèt los irlandeses dominar mas s’acontentèron de marcar un ensag contra una penalitat: 12-4 a la pausa pels fijians. Dins lo segond temps, la rapiditat d’execucion fijiana preniá lo pas sus la volontat irlandesa e se concretizava per 4 novèls ensags: 36-4 a la 67a. Los dos ensags irlandeses (un de l’èx-Drac Damien Blanch a la 77a) de la fin de partida ramenavan la marca a un mai logic 32-14.
Aqueste dimars, Escòcia e Tònga se rescontran a Workington e lo primièr torn se clavarà deman dimècres amb l’oposicion USA-Ilals Cook a Bristol.
Rebombs de pauma
Disciplina. Dos jogaires son passats davant la Comission de Disciplina per èsser punits d’una partida per unes placatges nauts: l’anglés Sam Burgess e lo talonaire papó Paul Aiton.
Mòstra. De pas mancar aquesta setmana a la Comuna de Carcassona: la mòstra suls 50 ans de la seccion XIII de l’Ostal dels Joves e de la Cultura. I traparetz l’èime del rugbi e la marca d’un formidable trabalh de formacion.
Convencion. L’FFR XIII ven de signar una convencion amb l’FFSU, la Federacion de l’Espòrt Universitari. Aquò dobrís la pòrta a d’accions de promocion e a la mesa en plaça d’un campionat interuniversitats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari