Un Monde XIII: encara un torn!
Diluns de ser, a Hull, aquò faguèt pas un plec. Los samoans èran tròp fòrts pels papós; una circulacion de pauma sens pausa, un sosten permanent, una volontat ofensiva e los ensags a la conclusion (7 en tot): 26-0 a la pausa, 38-4 a la fin. Una resulta qu’es una bona novèla pels Blaus qu’aquò significa la qualificacion assegurada pels quarts (levat se, per miracle mai qu’improbable, los papós batián los neozelandeses, divendres). Mas la partida s’anóncia complicada diluns fàcia als samoans: caldrà arrestar las atacas, se mesfisar de las relanças mas tanben capitar (enfins) de marcar d’ensags. Enjòc: la segonda plaça del grop que permetriá de rescontrar Fiji en quarts. Lo perdent aurà, el, rendètz-vos amb los angleses.
Ne sèm ja a la fin del segond torn e se pòt faire un primièr bilanç dels competitors en preséncia:
– Las evidéncias: los tres gròsses (Austràlia, la Nòva Zelanda e Anglatèrra) son al rendètz-vos.
– Las confirmacions: la qualitat de las esquipas de Fiji e Samoa.
– Las revelacions: en cap de tièra, la brava suspresa ven dels Estats Units d’America. Una esquipa que refofa de dinamisme e d’enveja de jogar. S’i ajustaràn Itàlia e Escòcia, totas doas amb un jòc de qualitat mercé als menaires de jòc e a unas volontats ofensivas afortidas, mas caldrà esperar lo tresen torn per saupre quala serà en quart.
– Las decepcions: en primièr, l’esquipa de Galas que pareguèt sens èime dins la partida inaugurala contra Itàlia, puèi dins son oposicion als Estats Units. Se pòt ajustar a aquel punt Papoa-Nòva Guinèa al jòc tròp estequit, estereotipat e morrut. Lo sosten del govèrn o l’ajuda tecnica de Meninga an res cambiat a l’afar. Se seriá tanben pensat qu’Irlanda seriá mai competitiva.
– La logica: Tònga e las Illas Cook prepausan un jòc interessant e espontanèu, mas an de mal per téner lo ritme tota una partida.
– La question: dins aquela tièra, sabèm totjorn pas ont metre nòstres Pols. Volontaris en diable en defensa, de coratge a revendre, mas despassats fisicament pels neozelandeses, empruntats en ataca, sens vertadièr patron-menaire de jòc. A elis de faire clinar la balança del costat positiu amb una brava partida contra Samoa, puèi en quarts.
Alan Roch
Diluns de ser, a Hull, aquò faguèt pas un plec. Los samoans èran tròp fòrts pels papós; una circulacion de pauma sens pausa, un sosten permanent, una volontat ofensiva e los ensags a la conclusion (7 en tot): 26-0 a la pausa, 38-4 a la fin. Una resulta qu’es una bona novèla pels Blaus qu’aquò significa la qualificacion assegurada pels quarts (levat se, per miracle mai qu’improbable, los papós batián los neozelandeses, divendres). Mas la partida s’anóncia complicada diluns fàcia als samoans: caldrà arrestar las atacas, se mesfisar de las relanças mas tanben capitar (enfins) de marcar d’ensags. Enjòc: la segonda plaça del grop que permetriá de rescontrar Fiji en quarts. Lo perdent aurà, el, rendètz-vos amb los angleses.
Ne sèm ja a la fin del segond torn e se pòt faire un primièr bilanç dels competitors en preséncia:
– Las evidéncias: los tres gròsses (Austràlia, la Nòva Zelanda e Anglatèrra) son al rendètz-vos.
– Las confirmacions: la qualitat de las esquipas de Fiji e Samoa.
– Las revelacions: en cap de tièra, la brava suspresa ven dels Estats Units d’America. Una esquipa que refofa de dinamisme e d’enveja de jogar. S’i ajustaràn Itàlia e Escòcia, totas doas amb un jòc de qualitat mercé als menaires de jòc e a unas volontats ofensivas afortidas, mas caldrà esperar lo tresen torn per saupre quala serà en quart.
– Las decepcions: en primièr, l’esquipa de Galas que pareguèt sens èime dins la partida inaugurala contra Itàlia, puèi dins son oposicion als Estats Units. Se pòt ajustar a aquel punt Papoa-Nòva Guinèa al jòc tròp estequit, estereotipat e morrut. Lo sosten del govèrn o l’ajuda tecnica de Meninga an res cambiat a l’afar. Se seriá tanben pensat qu’Irlanda seriá mai competitiva.
– La logica: Tònga e las Illas Cook prepausan un jòc interessant e espontanèu, mas an de mal per téner lo ritme tota una partida.
– La question: dins aquela tièra, sabèm totjorn pas ont metre nòstres Pols. Volontaris en diable en defensa, de coratge a revendre, mas despassats fisicament pels neozelandeses, empruntats en ataca, sens vertadièr patron-menaire de jòc. A elis de faire clinar la balança del costat positiu amb una brava partida contra Samoa, puèi en quarts.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari