Bandièra01 1180x150: Comuna de Tolosa

Actualitats

Un Monde XIII: las chifras del primièr torn

Contra Samoà, los fijians deuràn encara defendre e defendre!
Contra Samoà, los fijians deuràn encara defendre e defendre!
Dins las estatisticas balhadas pels organizaires, trapam aquelas chifras:
 
— Tenguts. Dins las 21 partidas del primièr torn, se joguèt corrèctament 12 676 tenguts e se capitèt 4 40/20.
 
— Liberacions e ensags. Se faguèt 463 offloads (liberacions de pauma al moment del placatge), amb un cinquantenat pels sols Kiwis. Los arbitres fiulèron 341 penalitats e se marquèt 170 ensags.
 
— Espectators. Lo comitat d’organizacion se felicita tanben de l’impacte mediatic e popular de la competicion, amb mai de 250 000 espectators abans la fasa eliminatòria. Comptan (mas los neozelandeses seràn probablament pas d’acòrdi) amb la preséncia dels angleses en finala a Old Trafford per faire lo plen lo jorn de la finala.
 
— A Perpinhan. Per çò qu’es de Brutus, diluns de ser per França-Samoa, amb 11 576 personas s’es batut de mai de 300 unitats la chifra mai bèla d’espectators dins l’estadi que teniá dempuèi un Drac-Warrington de l’an passat (2012).
 
 
Del costat dels Dracs
 
— Los Dracs an dobèrt la campanha d’abonament per la sason 2014.
 
— Lo calendièr de la sason 2014 de Superliga serà conegut aqueste diluns 18 de novembre.
 
— Represa de l’entraïnament. Aqueste dimars 12 de novembre, lo primièr entraïnament de represa dels Dracs ramosava 14 jogaires. Los novèls Lima e Pomeroy arribaràn a la debuta de decembre. Los internacionals tornaràn prene dins un mes a un mes e mièg.
 
— Lo Monde es catalan. L’esquipa catalana es la mai representada dins la Copa del Monde amb la participacion de 21 Dracs (jos las colors de França, Escòcia, Irlanda e las Illas Cook)
 
— Pas mai de revista. Arrèst de la publicacion del mesadièr Dragons News a la fin de 2013. Lo club insistís suls rasèls socials amb Facebook, Twitter e Instagram, un novèl sit Internet e lèu una letra d’informacions (en francés: newsletter) e una aplicacion iPhone.
 
 
 
 
Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alan Roch Carcassona
1.

Pas de miracle a Wigan : Anglatèrra : 34 - Blaus : 6 (ensag Dupòrt, trasformacion : Bòsc)

Australia tanben en mièja-finala : 62-0 contra los Estats-Units.

  • 2
  • 0

Escriu un comentari sus aqueste article