CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 27 de mai

Actualitats

Dijòus, 28 de novembre de 2013, 03h00 Espòrt

Un Monde XIII: acte III d’un grand classic


Comentaris Cap de comentari    
Marrit Flac Bon Plan bon Fabulós
carregant En cargar


Qual agafarà lo trofèu?





Etiquetas
copa del mond de rugbi de xiii, roch, rugbi, rugbi xiii, xiii

La finala de dissabte, a Old Trafford (Manchester), tendrà coma un aire de ja-vist (mas no’n planhirem pas): las doas formacions oceanianas joguèron ja sus la meteissa pelena la finala de l’edicion 2000, puèi se tornèron trapar a Brisbane per l’edicion de 2008.
 
En l’an 2000, las doas formacions se crosèron per la partida decisiva a Manchester, davant 45 000 espectators. Los australians avián eliminat Samoa en quart de finala, 66-10, e los galeses en mièja finala, 46-22. Los neozelandeses avián pas agut de pietat pels franceses en quart de finala, 54-6, e pas mai per Anglatèrra en mièja finala, 49-6. Lo 25 de novembre, los australians s’impausèron aisidament: 40-12.
 
En 2008, Austràlia organizava la tretzena edicion de la Copa del Monde. Pel compte de la primièra jornada, Austràlia batiá la Nòva Zelanda: 30-6. Las doas esquipas se qualificavan per las mièjas finalas ont Austràlia dominava Fiji 52-0 e la Nòva Zelanda s’impausava 32-22 als angleses.
 
Lo 22 de novembre, veniá a Brisbane lo moment de l’afrontament final. En tretze partidas de Copa del Monde, entre las doas nacions, dempuèi 1954, los Kiwis avián pas capitat de batre un sol còp los Cangorós, mai que jamai balhats coma ganhaires anonciats de la competicion. Lo primièr mièg temps pareissiá balhar rason al pronostic. Per Lockyer e Williams, los Verd e Jaune marcavan dos còps dins las vint primièras minutas, mas lo planchòt indicava solament 16-12 a la pausa. E aquí l’inversemblable se produsiguèt. Lo segond temps foguèt quasiment a sens unic, un grand filme panoramic grand angle en negre e blanc e 3D: Hoahaia marcava un ensag a la 50a, Marshall puntava a la 62a, l’arbitre acordava un ensag de penalitat als Negres a la 70a e Blair confirmava la victòria neozelandesa a la 77a: 34-20, sièis ensags de marcats contra quatre. Los Kiwis podián joslevar pel primièr còp, dins un estadi espantat, lo trofèu mondial.
 
Aqueste dissabte, a Manchester, veirem una desena victòria dels australians o la confirmacion neozelandesa? Çò qu’es de segur es que la partida valdrà vertadièrament lo còp! L’arbitre de la partida serà l’anglés Richard Silverwood.
 
 
Rebombs de pauma:
 
— Indisciplina. A tornar veire la partida Anglatèrra-Nòva Zelanda se constata que los angleses paguèron tanben lo prètz de lor indisciplina.
 
— Vesita. Lo president de la federacion neozelandesa faguèt estapa a Carcassona aqueste dimars. Vistalhèt Ciutat e rescontrèt los responsables de l’ASC XIII.
 
– Campionat. Al programa d’aquesta dimenjada. Dissabte: Tolosa-AS Carcassona (17h). Dimenge: Avinhon-Dragonets (15h), Vilanuèva-Lesinhan (15h15), Limós-Palau (15h15).




Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Parlar al país dins la lenga del país

Al País Valencian, lo catalan es ara la lenga veïculara e preferenciala de l’administracion. Coma o raportàvem dimenge passat, 14 de mai, lo govèrn de la Generalitat Valenciana ...
giny

Lo temps

Mapa
  • nuvols_parcials Agen 33 17
  • nuvols Aush 32 16
  • sol Bordèu 33 18
  • sol Briançon 21 9
  • sol Caors 33 16
  • nuvols Carcassona 29 14
  • sol Clarmont-Ferrand 31 14
  • sol Confolent 29 17
  • sol Gap 28 14
  • sol La Canau 33 18
  • sol La Gàrdia 21 12
  • nuvols La Torre de Pèlitz 28 18
  • sol Limòtges 29 17
  • nuvols Lo Borg Sant Dalmatz 30 17
  • sol Lo Puèi de Velai 27 13
  • sol Marselha 30 16
  • sol Montpelhièr 24 16
  • sol Naut Aran 28 14
  • sol Niça 18 10
  • sol Nimes 28 13
  • sol Pau 31 18
  • sol Peireguers 31 18
  • sol Rodés 31 17
  • sol Tolon 28 16
  • nuvols Tolosa 31 18
  • sol Valença 28 14

giny

giny

Entrevista

publicitat




publicitat

LATERAL2 330x60: Casteth Paums

Fotografias

  • Canejan. Pontaut e coret de Bausen. © Xavi Gutiérrez Riu

    Val de Toran (Aran)

  • Asuèlhs de Garnagués. © Franc Bardòu

    Asuèlhs de Garnagués

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Iñaki Delaurens

    Val d'Aran

  • © Laurenç Revèst

    Castelar

  • Valadas. © Xavi Gutiérrez Riu

    Valadas

  • © Laurenç Revèst

    Fòrt Maginòt de Sant Anhe

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Pausa de la senhaletica en occitan a l'estadi de la Mediterranèa a Besièrs

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • Arribada de la prima en Naut Rasés. © Terric Lausa

    Arribada de la prima en Naut Rasés

  • © Laurenç Revèst

    Mónegue

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Cafeteria Tuca. © Xavi Gutiérrez Riu

    Ivèrn en Aran

  • © Laurenç Revèst

    Mónegue

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

giny

Vidèos

Las mai...

publicitat


giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)