Lo cineasta bordalés Édouard Molinaro, mai que mai conegut per sas comèdias Oscar (1967), Mon oncle Benjamin (1969), Dracula père et fils (1976) e La Cage aux folles (1978), moriguèt dissabte passat a 85 ans, a causa d’una insufisença palmonica, dins un espital de París.
Reconegut per la precision dins lo sieu trabalh e per son umilitat, Édouard Molinaro nasquèt a Bordèu lo 13 de mai de 1928 dins una familha borgesa. Comencèt sa carrièra amb un filme de suspens puèi passèt a la comèdia amb de grandas estelas coma Louis de Funès, Lino Ventura o Jacques Brel.
Contemporanèu de l’èrsa nòva (nouvelle vague) —que ne restèt al marge— sa reüssida arribèt a son ponch maximal amb l’adapacion en 1978 de La Cage aux folles, una òbra de teatre de Jean Poiret, amb Ugo Tognazzi e Michel Serrault. Dins los ans 1990 contunhèt d’adaptar de teatre per lo cinèma coma Le Souper (1992) amb Claude Brasseur e Claude Rich. Puèi virèt cap a la television en i fasent de filmes en episòdis.
Molinaro moriguèt quinze jorns après la mòrt d’un autre grand cineasta occitan, lo niçard Georges Lautner.
Reconegut per la precision dins lo sieu trabalh e per son umilitat, Édouard Molinaro nasquèt a Bordèu lo 13 de mai de 1928 dins una familha borgesa. Comencèt sa carrièra amb un filme de suspens puèi passèt a la comèdia amb de grandas estelas coma Louis de Funès, Lino Ventura o Jacques Brel.
Contemporanèu de l’èrsa nòva (nouvelle vague) —que ne restèt al marge— sa reüssida arribèt a son ponch maximal amb l’adapacion en 1978 de La Cage aux folles, una òbra de teatre de Jean Poiret, amb Ugo Tognazzi e Michel Serrault. Dins los ans 1990 contunhèt d’adaptar de teatre per lo cinèma coma Le Souper (1992) amb Claude Brasseur e Claude Rich. Puèi virèt cap a la television en i fasent de filmes en episòdis.
Molinaro moriguèt quinze jorns après la mòrt d’un autre grand cineasta occitan, lo niçard Georges Lautner.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari