Actualitats
Los sobeiranistas aragoneses manifestèron dissabte a Saragossa
La plataforma populara d’esquèrra En a Tuya Man marchèt per revendicar los dreches socials e nacionals d’Aragon. Una delegacion de Libertat i portèt la solidaritat occitana
La plataforma populara En a Tuya Man, qu’amassa d’organizacions e de personalitats de l’esquèrra sobeiranista aragonesa, marchèt dissabte a miègjorn per carrièras, dins lo centre de Saragossa, amb lo lèma “O cambio ye en a tuya man” (“Lo cambiament es dins ta man”). La manifestacion se clavèt amb la lectura d’un manifèst que faguèt lo jornalista e escrivan Ruben Ramos. Se faguèt a l’ocasion de l’anniversari de la decapitacion del procuraire Chuan V de Lanuza, lo 20 de decembre de 1591. Dijòus, jorn exacte de l’anniversari, i aguèt ja una concentracion sobeiranista a Jaca.
Amb los actes d’aquesta dimenjada passada, En a Tuya Man cèrca de portar als ciutadans aragoneses “lo besonh d’un cambiament radical en las relacions entre l’estat espanhòl e Aragon, que se balhe a Aragon los espleches que calga per que siá considerat coma un subjècte sobeiran de plen drech, e que se bastisca las estructuras necessàrias per arribar a un país amb la capacitat de decidir el meteis”. Los manifestants denoncièron tanplan “la dictatura dels mercats” e revendiquèron “lo besonh de recuperar la sobeiranetat populara en Aragon”.
Chuan V de Lanuza foguèt un defensor dels dreches e de las libertats d’Aragon e foguèt executat sens cap de jutjament prèvi fa 422 ans. Sa mòrt la plorèron la majoritat dels aragoneses e a l’ora d’ara qualques collectius remembran son assassinat cada 20 de decembre. A un monument dins la vila de Saragossa. La mòrt de Lanuza es per l’aragonesisme un “simbòl del procediment arbitrari e del mesprètz dels elèits pels dreches istorics e l’interès popular aragoneses”. Aquestes darrièrs ans, lo 20 de decembre es vengut lo jorn de las libertats nacionalas e socialas d’Aragon.
La solidaritat occitana amb la causa aragonesa foguèt plan presenta, amb una delegacion de Libertat!
Amb los actes d’aquesta dimenjada passada, En a Tuya Man cèrca de portar als ciutadans aragoneses “lo besonh d’un cambiament radical en las relacions entre l’estat espanhòl e Aragon, que se balhe a Aragon los espleches que calga per que siá considerat coma un subjècte sobeiran de plen drech, e que se bastisca las estructuras necessàrias per arribar a un país amb la capacitat de decidir el meteis”. Los manifestants denoncièron tanplan “la dictatura dels mercats” e revendiquèron “lo besonh de recuperar la sobeiranetat populara en Aragon”.
Chuan V de Lanuza foguèt un defensor dels dreches e de las libertats d’Aragon e foguèt executat sens cap de jutjament prèvi fa 422 ans. Sa mòrt la plorèron la majoritat dels aragoneses e a l’ora d’ara qualques collectius remembran son assassinat cada 20 de decembre. A un monument dins la vila de Saragossa. La mòrt de Lanuza es per l’aragonesisme un “simbòl del procediment arbitrari e del mesprètz dels elèits pels dreches istorics e l’interès popular aragoneses”. Aquestes darrièrs ans, lo 20 de decembre es vengut lo jorn de las libertats nacionalas e socialas d’Aragon.
La solidaritat occitana amb la causa aragonesa foguèt plan presenta, amb una delegacion de Libertat!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Mon car Francesc, me desencusaretz, mas o vos pòdi pas daissar dire aital ! Tornarem fargar un estat occitano-catalano-aragonés. O farem junts e frairals. A Murèth lo perdèrem. A Murèth lo tornarem bastir.
Mespresar un pòble es los mespresar totes ! Los Aragoneses son los nòstres faires, los Catalans los nòstres fraires bessons, e los Basques los nòstres cosins dirèctes. Comunautat umanista e solidària dels Pirenèus !
Una capelada als aragoneses e tanben als companhs occitanistas del movement Libertat d'i èsser estats presents.
Visca! Encara refarem l'estat catalanoaragonès! Nosaltres amb el català i els argonesos amb l'aragonès!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari