Bandièra01 1180x150: Comuna de Tolosa

Actualitats

PoliticaInternacional

De deputats ucraïneses ne venon als còps per la lenga

Los europeïstas vòlon pas l'oficialitat del rus dins qualques regions del país per paur que l'ucraïnés venga mai menaçat

Lo partit del president russista, Viktor Ianukovych, vòl que la lenga russa siá emplegada dins las escòlas, los espitals e las institucions oficialas de l'èst del país. L'oposocion o vòl pas perque a paur d'una pèrda d'independéncia en favor de Moscòu. Lo president del Parlament, Vladimir Litvin, prepausa dissòlvre la cambra e convocar d'eleccions.


Divendres passat se debatiá dins lo parlament ucraïnés se lo rus veniá lenga oficiala dins qualques regions del país. Lo debat, pasmens, arribèt pas a cap de conclusion perque la sala foguèt lo scenari d'una baralha entre los deputats. Quitament un deputat foguèt portat a l'espital per una emorragia al cap.
 
Los afrontaments son fòrça comuns dins lo parlament ucraïnés. Aqueste còp es estat entre los deputats leials al president, Viktor Ianukovych, e los partidaris de l'oposicion. Ianukovych es dobèrtament russista e los opausants, que son mai europeïstas, vòlon pas balhar d'oficialitat al rus per fin d’empedir que l'ucraïnés venga mai menaçat. 
 
A l'èst d'Ucraïna se parla majoritàriament lo rus e lo Parlament aviá l'intencion d'aprovar una lei que permetèsse qu'aquela lenga se poguèsse emplegar oficialament dins las escòlas, los espitals e las institucions oficialas d'aquela region del país.

Après aqueles faches, lo president del Parlament, Vladimir Litvin, prepausa dissòlvre la cambra e convocar d'eleccions. "Lo parlamentarisme es estat completament destrusit", a dich.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article