Bandièra01 1180x150: Comuna de Tolosa

Actualitats

Mélénchon: “cal pas ratificar la Carta”

L’eurodeputat e copresident del Partit d’Esquèrra francés, Jean-Luc Mélenchon, a mandat una letra als deputats de l’Assemblada Nacionala francesa per que vòten contra la ratificacion de la Carta Europèa de las Lengas Regionalas o Minoritàrias.


Segon Jean-Luc Mélenchon, lo debat per la ratificacion de la Carta Europèa de las Lengas Regionalas o Minoritàrias, que se tendrà fins a dimars que ven a l’Assemblada Nacionala francesa, es pas un debat per las lengas regionalas mas contra la constitucion francesa.
 
Entre d’autras argumentacions, lo politician francés avertís que la Carta pòt beneficiar de proceduras en lengas “regionalas” davant las autoritats judiciàrias, e far emplegar aquelas lengas dins la vida publica en general, çò que per el seriá un vertadièr desastre. “Testimoniar, perseguir en justícia, signar de contractes dins una autra lenga que la lenga francesa constituiriá una reculada per rapòrt a l’ordenança de Villers-Cotterêts que representa una avançada fondamentala dins l’egalitat dels franceses davant la justícia e lo servici public”, çò ditz.
 
Al delà, Mélenchon s’opausa a la reconeissença de las lengas regionalas perque “menariá lo país a de nòvas divisions absurdas entre immigrats e non-immigrats, aqueste còp quant a l’estatut de las lengas parladas”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pimflòid
17.

#2 Esquèrra colonialista, que n'i a tostemps avut en França... Çò nau qu'ei que sian minoritaris.

  • 3
  • 0
ròdrigò Bigòrra
16.

Adixat senher Guevara,que sòi segur que si i avé un referendum aci en "occitania" entà saber si volem un estat independent ,que pensi que'ra majoritat deth monde e seré contra eth monde de nosta qu'ac volham o non que son estacat ara França desempuix er'arrepublica eth pacte arrepublican que correspont hèra plan dab era mentalitat politica deths occitans .

  • 1
  • 3
Ernèst Guevara Jr. L'Avana
15.

#10 Òu, Don Rodrigo, es se 70% son totalament favorabla a una Occitania loiura e independenta, e, dins lo meteis temps, règde contra lo neo-liberalisme internacional, grand desmargaire d'umanitats e d'espacis naturals, qué lor consèlhas de votar ? Tot partit, d'equèrra o de dreita, es dividit en dos, dins l'estat francés, subre la question de las lengas e de sos pòbles…

  • 6
  • 1
Utopitre
14.

#13 e laissar la plaça a las votacions dels autres ???
Non ! Que sèm obligats de far part d'un sistèma, e devèm jamai baissar los braces e far cadièra voida

  • 3
  • 1
la repugnate abaslesurnes
13.

La solucion qu'ei d'arrestar de votar lèu lèu. Estancar lo noste sostien ad aqueste sistèmi anti-pòple.

  • 1
  • 1

Escriu un comentari sus aqueste article