Actualitats
Lo govèrn de Catalonha a fach lo rapòrt de compliment de la Carta Europèa de las Lengas Regionalas o Minoritàrias
Se rapòrta l’estat de las lengas catalana e occitana, e se denóncia de marridas politicas lingüicidas
Lo govèrn de Catalonha ven de publicar un rapòrt de seguiment de la Carta Europèa de las Lengas Regionalas o Minoritàrias a respècte del catalan e l’occitan. Aquel rapòrt l’an mandat al govèrn de l’estat espanhòl per que l’incluga dins lo memorandum que deu presentar al Comitat d’Expèrts del Conselh d’Euròpa.
Lo rapòrt del govèrn catalan denóncia qualques obstacles per l’aplicacion de la Carta, dont l’impacte de la crisi economica e la consequenta davalada de sosten economic a las lengas, o los atacs del Tribunal Constitucional espanhòl contra l’Estatut d’Autonomia de Catalonha e contra la Lei de l’Occitan, Aranés en Aran. Se denóncia tanben las mesuras dels govèrns autonomics aragonés, valencian e balear contra la lenga catalana e lo projècte estatal de lei de l’educacion.
Aquel document analisa tanben las donadas sus la situacion de las lengas catalana e occitana e expausa la politica de la Generalitat de Catalonha.
La Carta Europèa de las Lengas Regionalas o Minoritàrias intrèt en vigor en Espanha en 2001. Los estats que l’an ratificada devon mandar un rapòrt sus son aplicacion cada tres ans. Dempuèi l’aprobacion de l’Estatut de Catalonha, en 2006, cal tanben raportar sus l’occitan, pr’amor qu’es lenga oficiala en Catalonha e protegida al meteis nivèl que lo catalan.
Sus la pagina 143 del rapòrt se pòt legir que se conselha al govèrn espanhòl de facilitar la creacion d’un jornal en aranés, e se soslinha l’existéncia de Jornalet.
Lo rapòrt del govèrn catalan denóncia qualques obstacles per l’aplicacion de la Carta, dont l’impacte de la crisi economica e la consequenta davalada de sosten economic a las lengas, o los atacs del Tribunal Constitucional espanhòl contra l’Estatut d’Autonomia de Catalonha e contra la Lei de l’Occitan, Aranés en Aran. Se denóncia tanben las mesuras dels govèrns autonomics aragonés, valencian e balear contra la lenga catalana e lo projècte estatal de lei de l’educacion.
Aquel document analisa tanben las donadas sus la situacion de las lengas catalana e occitana e expausa la politica de la Generalitat de Catalonha.
La Carta Europèa de las Lengas Regionalas o Minoritàrias intrèt en vigor en Espanha en 2001. Los estats que l’an ratificada devon mandar un rapòrt sus son aplicacion cada tres ans. Dempuèi l’aprobacion de l’Estatut de Catalonha, en 2006, cal tanben raportar sus l’occitan, pr’amor qu’es lenga oficiala en Catalonha e protegida al meteis nivèl que lo catalan.
Sus la pagina 143 del rapòrt se pòt legir que se conselha al govèrn espanhòl de facilitar la creacion d’un jornal en aranés, e se soslinha l’existéncia de Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 e # 3 mercés!
#1 La poblacion ispanòfona es pas minoritat en Catalonha. Son majoritat. Los catalanòfons forman 30% de la poblacion deu Principat de Catalonha.
Los partits catalans, malastrosament, son a favor de l'oficialitat de lo castelhan en una Catalonha independenta.
Primièrament, l'independentisme es pas un afar dels catalanofòns. I a fòrça independentistas que parlan castelhan.
Lo castelhan contunharà d'èsser lenga oficiala dins la Catalonha independenta. Totun, lenga oficiala vòl pas dire lenga pròpria. Las lengas pròprias e territorialas de Catalonha son lo catalan e l'occitan, per Aran.
E aquò's pas gaire contestat. Normalament, dins la màger part dels cases, los immigrants an pas res contra l'escòla e l'administracion en catalan. Aquò's normal, e o veson normal. I a las excepcions, mas las relacions son cortesas.
Bona iniciativa!
Costat francés que n'èm enquèra lenh!
Que'm soi pausat ua question, té : la Catalonha independenta que s'arretrobaré dab lo catalan com lenga oficiala (e majoriària?) e ua fòrta minoritat ispanofòna.
Qu'ei çò qui disen los independentistas suu tractament d'aquesta majoritat qui vaderé ua minoritat? I a quauqu'arren de previst entà que ne romeguen pas tròp en s'apiejant sus la carta europèa?
Ne disi pas aquò per anti-independentisme mes sonque per'mor ne coneishi pas plan la sitacion acerà ni los projèctes deus partits independentistas. Qu'ei ua question sincèra on n'èi pas de responsa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari