Coma i aviá de problèmas de contraròtle aerian, las Aglas de Sheffielfd venguèron pas jogar a Limós la partida amicala prevista. Benlèu que lor aurián degut mandar la maquina que bronzina del Vedrinas.
Per contra, los Vikings de Widnes èran plan sus la pelena de Brutus aqueste dissabte de vèspre. Lo Laurenç Fraissinós aviá causit de presentar l’esquipa tipe. Los catalans se faguèron susprene tre la primièra minuta (4-0 pels Vikings a la pausa) e arpategèron lor jòc pendent mai d’una orada: errors de man, circulacion lenta de la pauma... Aquò cambièt quand Tomàs Bòsc dintrèt a la dobertura. Dins lo darrièr quart d’ora, lo farfadet Morgan Escarré anèt dos còps darrèr la linha, lo talonaire Henderson i anèt de son ensag de pistolet al ras del tengut. Amb las tres transformacions de Bòsc, los Dracs ganhèron 18-16. Mas mostrèron sustot que demòra de trabalh de faire e d’òli a metre dins la mecanica collectiva d’aicí la represa oficiala lo divendres 14 a Hull. Serà fàcia a una esquipa d’Hull FC qu’es dins de dobtes mai bèls encara aprèp una desfaita 54-6 contra l’esquipa de Championship de Featherstone.
La Superliga a trapat un esponsor novèl, lo fornidor d’energia First Utility, e ven de signar un novèl acòrdi de difusion televisada amb Sky-Sport. Aquò vòl dire un centenat de partidas retransmesas cada an en dirècte en plaça de 80!
Los Dracs, per aver mens de problèmas de desplaçament en Anglatèrra, an adoptat la solucion de l’avion privat que partirà e arribarà à Perpinhan. A cada desplaçament un quinzenat de plaças seràn disponiblas pels afogats que vòlon seguir la còlha.
La competicion europèa repren tre aqueste divendres 7 amb una partida avançada: Wigan-Huddersfield, vist que Wigan partirà puèi per Austràlia per jogar la Copa del Monde dels Clubs contra los Pols de Sydney.
Aquesta dimenjada serà tanben la represa dels campionats d’Elèit amb una pola A amb los 4 primièrs d’Elèit 1; una pola B e una pola C amb doas esquipas d’Elèit 1 e doas d’Elèit 2; las polas D e E amb caduna 4 esquipas d’Elèit 2.
Per la pola bèla, aqueste dimenge, los Dragonets reçaupràn Tolosa e Limós esperarà Lesinhan a l’Agulha. En pola B, dimenge, Vilanuèva reçauprà Palau e Realmont anirà a Baó. En pola C, dissabte, Avinhon reçauprà Lion e Carcassona serà en desplaçament a Albi.
Alan Roch
Per contra, los Vikings de Widnes èran plan sus la pelena de Brutus aqueste dissabte de vèspre. Lo Laurenç Fraissinós aviá causit de presentar l’esquipa tipe. Los catalans se faguèron susprene tre la primièra minuta (4-0 pels Vikings a la pausa) e arpategèron lor jòc pendent mai d’una orada: errors de man, circulacion lenta de la pauma... Aquò cambièt quand Tomàs Bòsc dintrèt a la dobertura. Dins lo darrièr quart d’ora, lo farfadet Morgan Escarré anèt dos còps darrèr la linha, lo talonaire Henderson i anèt de son ensag de pistolet al ras del tengut. Amb las tres transformacions de Bòsc, los Dracs ganhèron 18-16. Mas mostrèron sustot que demòra de trabalh de faire e d’òli a metre dins la mecanica collectiva d’aicí la represa oficiala lo divendres 14 a Hull. Serà fàcia a una esquipa d’Hull FC qu’es dins de dobtes mai bèls encara aprèp una desfaita 54-6 contra l’esquipa de Championship de Featherstone.
La Superliga a trapat un esponsor novèl, lo fornidor d’energia First Utility, e ven de signar un novèl acòrdi de difusion televisada amb Sky-Sport. Aquò vòl dire un centenat de partidas retransmesas cada an en dirècte en plaça de 80!
Los Dracs, per aver mens de problèmas de desplaçament en Anglatèrra, an adoptat la solucion de l’avion privat que partirà e arribarà à Perpinhan. A cada desplaçament un quinzenat de plaças seràn disponiblas pels afogats que vòlon seguir la còlha.
La competicion europèa repren tre aqueste divendres 7 amb una partida avançada: Wigan-Huddersfield, vist que Wigan partirà puèi per Austràlia per jogar la Copa del Monde dels Clubs contra los Pols de Sydney.
Aquesta dimenjada serà tanben la represa dels campionats d’Elèit amb una pola A amb los 4 primièrs d’Elèit 1; una pola B e una pola C amb doas esquipas d’Elèit 1 e doas d’Elèit 2; las polas D e E amb caduna 4 esquipas d’Elèit 2.
Per la pola bèla, aqueste dimenge, los Dragonets reçaupràn Tolosa e Limós esperarà Lesinhan a l’Agulha. En pola B, dimenge, Vilanuèva reçauprà Palau e Realmont anirà a Baó. En pola C, dissabte, Avinhon reçauprà Lion e Carcassona serà en desplaçament a Albi.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari