Bandièra01 1180x150: Comuna de Tolosa

Actualitats

Un DVD tà aprigondir la coneishença deu breton

L’associacion Kerlenn Sten Kidna, qu’ei basada a An Alre (Bretanha), que produsiguèc en 2012 un espleit nau e modèrne entaus que vòlen aprigondir la lor compreneson orau deu breton.
 
Lo projècte, menat per ua còla de benevòls de l’associacion, qu’èra vasut en 2007. Que cauguèc hèra de tribalh, que siá la redaccion de tèxtes, la causida d’actors tà’us legir, lo filmatge, l’elaboracion d’exercicis de 7 tipes per cada tèma (15) e cada nivèu (3), shens desbrombar lo codatge deu DVD eth medish e, solide, la fasa d’ensais de tota mena. Lo filme e lo codatge que hosquèren hisats a professionaus, totun.
 
Ua particularitat d’aqueth DVD ei que i a tres nivèus de dificultat per cada tèma, ei a díser que la medisha istòria ei contada tres vegadas peu medish actor, mes l’istòria qu’ei de mei en mei longa dab de mei en mei de vocabulari entre lo primèr nivèu e lo tresau. Los actors que son locutors joves o mei vielhs deu país de Vannes, hemnas e òmis, qu’emplegan la lenga hens la lor vita vitanta.
 
Aqueth espleit que serà hèra util aus que vòlen comprene miélher lo breton parlat, e lo parlar mielhs tanben. Lo ligam dab la lenga escriuta qu’ei hèit plan, per’mor que los tèxtes se pòden legir hens lo DVD, e que cau legir los tèxtes deus exercicis tanben.
 
Ua vidèo en mei d’ua lenga, e en occitan tanben, que mòstra lo biaish de tribalhar dab aqueth DVD. Lhèu que balharà idèas a autes bretons d’autes parçans e, qui sap, aus occitans o a autes enqüèra!
 
Entà véser la vidèo en occitan e saber mei de causas sus lo DVD Daet eo genin,anatz véser lo sit de l’association Kerlenn Sten Kidna.
 
 
 
 
Patrick Drean

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Patrick DREAN An Oriant
4.

A Antalya : lo jorn que de monde voldrà har un aplèc com aquo per l'occitan, serèm uroses de poder ajudar d'un biais o de l'aute, dab ço qu'avèm après.

Da Fabien : ar soñj-se zo é torimellat e ma fenn a-c'houde un herrad, sevel ur sort rouedad evit ar re tomm d'an okitaneg e Breizh. Marse e c'hellehemp kemer un tamm amzer evit diviz petore stumm a vehe ar gwellañ (kevredigezh ?) evit sevel an dra-se (pas re bounner met talvoudus ur sort)...

A galon,

Patrick

  • 0
  • 0
antalya
3.

Me malcora totjorn un briu quand vèsi çò que fan los autres... Crèsi que nos farià bravament mèstier un
quicòmet atal. Ni per per malcorat que siaguessi avèm totjorn aquò (vèire) çai-jos)
http://fr.assimil.com/methodes/l-occitan

  • 3
  • 0
fabien lecuyer gwened
2.

A'ta Patrick ! Ret vo dimp sevel ur c'helc'h an okitanourion breizhad un deiz bennaket. Bout zo muioc'h mui a dud intereset get yezh Mistral e Breizh àr a hañval. Kaoz a zo da aozañ ur staj deskiñ 'kostez Langonned ivez...

  • 3
  • 0

Escriu un comentari sus aqueste article