Actualitats
Una femna europèa sus tres es victima de violéncias fisicas o sexualas
Segon çò que publica una enquèsta sus la violéncia masclista, comandada per l’Union Europèa
33% de las femnas europèas son estadas victimas de violéncias fisicas o sexualas tre qu’avián 15 ans e 5% son estadas violadas. Aquelas son doas de las conclusions del nòu rapòrt de l’Agéncia dels Dreches Fondamentals de l’Union Europèa, a partir d’un sondatge fach a 62 000 femnas de 18 a 74 ans, aperaquí 1500 per estat. En acòrdi amb aquela enquèsta, 67% de las victimas comuniquèron pas lo cas mai grèu de violéncia de la part de lor òme a la polícia ni a cap d’autra organizacion.
Una autra de las conclusions es que 43% de las enquestadas an experimentat qualque tipe de maltractament psicologic, coma d’umiliacions publicas, una enebicion de sortir de l’ostal, èsser forçada de veire de pornografia o subir de menaças fisicas.
E mai, 5% afirman que son estadas violadas e aperaquí una femna sus dètz a experimentat de violéncias sexualas de la part d’una persona qu’èra pas l’òme de son parelh, e afirma qu’a l’acte mai grèu qu’a patit i an participat mai d’un violaire.
Dins l’enfança, una femna sus tres (33%) a assegurat que foguèt victima de violéncia fisica o sexuala venent d’un adulte. En concret, en 12% dels cases foguèron d’agressions sexualas —coma per exemple un adulte mostrant sos genitals o de tocaments— de la part d’un òme que coneissiá pas. En mai d’aquò, nòu milions de femnas, 18%, denoncièron que subiguèron de cases de secutament dempuèi lors 15 ans e 5% d’aquelas, pendent los 12 meses debanats abans l’enquèsta.
Lo rapòrt met tanben sus la taula una seguida de mesuras per combatre las violéncias sus las femnas e dona de conselhs a l’Union Europèa e als païses membres per evitar mai de cases. Demest aquelas proposicions, i a la de considerar los cases de violéncia domestica coma d’afars de domeni public e non pas privat, la revision de las leis dins los cases de secutament sexual en diferents entorns, tanben a travèrs d’Internet o dels telefòns mobils; la formacion per los mètges, la polícia e los entrepreneires; l’investigacion policièra rotinièra dels cases de secutament, tan presencial coma cibernetic; e de campanhas adreiçadas tant als òmes coma a las femnas.
Una autra de las conclusions es que 43% de las enquestadas an experimentat qualque tipe de maltractament psicologic, coma d’umiliacions publicas, una enebicion de sortir de l’ostal, èsser forçada de veire de pornografia o subir de menaças fisicas.
E mai, 5% afirman que son estadas violadas e aperaquí una femna sus dètz a experimentat de violéncias sexualas de la part d’una persona qu’èra pas l’òme de son parelh, e afirma qu’a l’acte mai grèu qu’a patit i an participat mai d’un violaire.
Dins l’enfança, una femna sus tres (33%) a assegurat que foguèt victima de violéncia fisica o sexuala venent d’un adulte. En concret, en 12% dels cases foguèron d’agressions sexualas —coma per exemple un adulte mostrant sos genitals o de tocaments— de la part d’un òme que coneissiá pas. En mai d’aquò, nòu milions de femnas, 18%, denoncièron que subiguèron de cases de secutament dempuèi lors 15 ans e 5% d’aquelas, pendent los 12 meses debanats abans l’enquèsta.
Lo rapòrt met tanben sus la taula una seguida de mesuras per combatre las violéncias sus las femnas e dona de conselhs a l’Union Europèa e als païses membres per evitar mai de cases. Demest aquelas proposicions, i a la de considerar los cases de violéncia domestica coma d’afars de domeni public e non pas privat, la revision de las leis dins los cases de secutament sexual en diferents entorns, tanben a travèrs d’Internet o dels telefòns mobils; la formacion per los mètges, la polícia e los entrepreneires; l’investigacion policièra rotinièra dels cases de secutament, tan presencial coma cibernetic; e de campanhas adreiçadas tant als òmes coma a las femnas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Quiò que i a hemnas qui's hèn tuar peu lor òmi... mes en generau l'òmi murtrèr que va en preson per longtemps, non?
Qu'ei meilèu per las agressions "qui ne deishan pas de traç" qui i a ua impnitat qui cau combàter...
#2 D'acòrdi. Son de chifras insuportablas, es una realitat insuportabla. Avèm de besonh de prevencion e de repression. Avèm de besonh d'una aplicacion sistematica de la lei e dei penas.
En mai d'aquò, avèm besonh de far un trabalh tenaç sus lei mentalitats.
Leis òmes, devèm far sempre un trabalh sus nosautres.
148! Òc-ben! 148 es lo nombre de las femnas que son estadas assassinas l'an passat per lor conjunt. Es una chiffra qu'es pas digna d'una societat civilisada. Sospagaments, secutaments, viòls, agressions e assassinats. Ara n'i apro! Pensi que la prevencion es pro plan facha pels organismes d'Estat e las associacions. Çò que manca ara en Euròpa e mai particularament en França es la repression. Òc-ben, las leis an de valor que se i a sancion quand son transgressadas (en criminologia sancion e repression son pas vilas paraulas). 148, la chifra es insuportabla. Un còp de mai vos passar pels potonorses que legisson Lo Jornalet per un fascista. Tant pièg per eles, lor daissi lor angelisme, reclami mai de repression pels que maltractan e assassinan las femnas. L'impunitat tua la morala, la lei e tua las femnas. Nos cal bastir de presons! Es lo prètz a pagar se volem pas que tornar, ongan 148 femnas siaguen assassinas. 148! Òc-ben! 148 es lo nombre de las femnas que son estadas assassinas l'an passat per lor conjunt. La chifra es insuportabla.
De constats lamentables. Sensa parlar de las inegalitats salarialas...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari