CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dijòus, 30 de març

Actualitats

Dimars, 18 de març de 2014, 03h00 Espòrt

Rugbi XIII: Tolosa e Lesinhan en mièja finala del campionat


Comentaris Cap de comentari    
Marrit Flac Bon Plan bon Fabulós (4 vòtes)
carregant En cargar


L’ambient es pas terrible cò dels Dracs catalans: lo president Guasch es en colèra e va faguèt saupre als jogaires. Jamal Fakir, convidat a rejónher la resèrva dels Dragonets, decidiguèt d’arrestar de jogar per l’ora. L’arrièr Webb es tanben mes en causa, coma lo contracte de Ben Pomeroy nafrat. Anderson aviá pres una partida de suspension. Çò que fa qu’es amb una formacion atal-atal que los Dracs se presentèron divendres a Saint Helens. A la sortida, la meteissa tarifa que per las partidas precedentas: 7 ensages encaissats, mas una debuta de reaccion e de revòlta amb 4 realizacions e en particular doas de l’alièr Mike Oldfield. Desfacha 40-22 e encara 0 punt al classament.
 
Dissabte a Brutus, los Dracs reçaupràn los Gigants (va caler montar un castell de primièra en fàcia) d’Huddersfield que venon de passar un 66-18 a Bradford.
 
Dissabte, en Comtat Venaicin, Avinhon e Carcassona jogavan la primièra plaça de la pola C e doncas la possibilitat de jogar lo primièr torn dels barratges a domicili. Los Bisonts ataquèron a fum e desbordèron unes carcassoneses apatics e endormits: 14-0 pels provençals a la pausa. Los Canaris tornèron metamorfosats dels vestiaris e prenguèron l’avantatge amb tres ensages (Towers, Anderson e Canet) transformats (per Gressèque) en mens d’un quart d’ora: 18-14. Avinhon tornava a nautor, campava prèp de la linha audenca, mas, a una minuta de la fin, lo centre jaune e negre Troy Savage traucava la defensa pontificala, tustava a seguir per el meteis e aprèp 90 mètres de corsa balhava la victòria a sas colors: 24-18.
 
Dins la meteissa pola, Albi a batut Lion 23-6.
 
Dins la pola B, Palau signa una bèla victòria contra los Laupards de Vilanuèva, 36-20, mas la primièra plaça demorarà als ageneses.
 
Baó va ganhar a Realmont 22-20. Dins la pola bèla, los tolzans marquèron dos ensages d’entrada a L’Agulha, 12-0, mas, al coratge, Limós capitèt de demorar dins la partida abans de plegar 40-28.
 
A Sant Estève, los Dragonets e Lesinhan jogavan una plaça de qualificacion dirècta per las mièjas finalas. Cada esquipa agèt son temps de dominacion, mas dins las darrièras minutas, amb un ensag de Farid Sid e una penalitat a la còrna de Benausse, Lesinhan arrancava l’egalitat 24-24 e la plaça per las mièjas finalas. De regretar qu’a Limós e Sant Estève los arbitres sortiguèron carton roge a unes jogaires (Mayans de Limós, Robin dels Dragonets) que contestavan las decisions. Respectar los arbitres es ça que la una lei primièra de l’espòrt!
 
Aqueste dimenge 23 de març, plaça a las mièjas finalas de la Copa de França-Lord Derby: Tolosa-Palau a Sant Estève e Carcassona-Avinhon a Lesinhan. Se Tolosa sembla lo venceire mai que probable del primièr rescontre, per contra l’oposicion novèla entre Carcassona e Avinhon es plan dobèrta per designar lo segond participant de la finala del dimenge 13 d’abril a Domèc (Carcassona).
 
Dimenge tanben, se tendrà a Carcassona lo Torneg Grégoire, lo mai important e lo mai bèl pels joves jogaires de XIII.
 
 
 
 
Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Sembla ièr, mas son passats cinc ans

Sembla ièr, mas son ja passats cinc ans dempuèi lo 31 de març de 2012. Aquel jorn, dins l’encastre de la manifestacion Anem Òc per la lenga occitana que se debanava a ...
giny

Lo temps

Mapa
  • sol Agen 24 9
  • sol Aush 9
  • sol Bordèu 26 12
  • sol Briançon 17 2
  • sol Caors 11
  • sol Carcassona 20 9
  • sol Clarmont-Ferrand 24 10
  • sol Confolent 22 11
  • sol Gap 24 6
  • sol La Canau 26 12
  • nuvols_parcials La Gàrdia 12
  • sol La Torre de Pèlitz 24 9
  • sol Limòtges 22 11
  • sol Lo Borg Sant Dalmatz 18 9
  • sol Lo Puèi de Velai 6
  • sol Marselha 22 10
  • sol Montpelhièr 20 10
  • sol Naut Aran 23 7
  • nuvols_parcials Niça 17 11
  • sol Nimes 23 9
  • sol Pau 26 13
  • sol Peireguers 24 11
  • sol Rodés 21 9
  • sol Tolon 21 9
  • sol Tolosa 9
  • sol Valença 8

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Concèrt del 20n anniversari de Gric de Prat

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Castelar

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • A Gavotina marítima: Recabruna Cab Martin, a vila vielha e o castèl dau sécolo X

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Josep Carpintero

    Presentacion dera ANC Val d'Aran en Vielha, 28/12/2013

  • © Conselh Generau d'Aran

    Lo Torn de França 2016 en Aran

  • Musèu de Terra Mata, Niça, mai anciana traça de fuec au monde

  • Era còlha dera ADÒC ath trabalh

  • © Aure Séguier

    Carnaval Biarnés 2017

  • © Laurenç Revèst

    Mónegue

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Goulamàs'K a Bordelha (Rebeiragués) lo 9 de julhet 2012

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

A vòstre vejaire, lo bilanç dels cinc ans de Jornalet es:


80%



11%



6%



2%



1%




Vots 137 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)