Los vinhairons Maria-Clàudia e Robèrt Curbières, Edoard Fortin e lors familhas foguèron las victimas d’actes criminals perpetrats dins la nuèit del 13 al 14 de novembre passat al domeni de La Ventalhòla a Ventenac de Cabardés, amb unas consequéncias economicas desastrosas: lo celièr viticòla de 200 mètres cairats foguèt totalament destruit e se perdèt 400 ectolitres de vin. Tre l’endeman d’aquel acte vil, fòrça messatges d’associacions, de sindicats e d’estatjants del vilatge e de la contrada marquèron indignacion, generositat e solidaritat. Aquel sosten se manifestèt publicament lo 23 de novembre per un passacarrièra solidari que recampèt a Ventenac de Cabardés mai de 700 participants.
Dins la seguida, los amics vinhairons d’Edoard Fortin del grop Changer l’Aude en Vin se mobilizèron e faguèron don d’una part de lor vendémia per permetre atal a Edoard de comercializar una tinada solidària. (cavista o particular, podètz passar comanda a fortin.edouard@...).
Lo mitan associatiu, cultural, sindical (FLL, Comitat de las Fèstas, dels clubs de Petanca e de Futsal de Ventenac de Cabardés, l’Institut d’Estudis Occitans-Aude, Fasètz la Lenga en Cabardés, Confederacion Païsana, Tuc Limós, Ampelofolias de Cabardés, AVEC, los Companhs de Paratge...), per dire de persègre aquel camin de solidaritat, organiza una serada de concèrts solidaris: lo dissabte 5 d’abril de 2014 a Ventenac de Cabardés (Espaci René Douce, tre 20h30).
A l’aficha: Cristian Almerge, Cossí que Siague, la Fanfara de Menerbés, Laurenç Cavalièr, L’invité de Trop, Mans de Bruèis [Mans de Breish] e Pierre Hollard. Los beneficis de la serada, mercé a las dintradas pagantas (10 èuros per persona) e las recèptas de l’estanquet de vins de Cabardés e bofigas de Limós, seràn transferits a las familhas Curbières e Fortin. Los organizaires espèran una fòrta mobilizacion per aquesta serada.
Contacte e informacions: fll.ventenac@...
Alan Roch
Dins la seguida, los amics vinhairons d’Edoard Fortin del grop Changer l’Aude en Vin se mobilizèron e faguèron don d’una part de lor vendémia per permetre atal a Edoard de comercializar una tinada solidària. (cavista o particular, podètz passar comanda a fortin.edouard@...).
Lo mitan associatiu, cultural, sindical (FLL, Comitat de las Fèstas, dels clubs de Petanca e de Futsal de Ventenac de Cabardés, l’Institut d’Estudis Occitans-Aude, Fasètz la Lenga en Cabardés, Confederacion Païsana, Tuc Limós, Ampelofolias de Cabardés, AVEC, los Companhs de Paratge...), per dire de persègre aquel camin de solidaritat, organiza una serada de concèrts solidaris: lo dissabte 5 d’abril de 2014 a Ventenac de Cabardés (Espaci René Douce, tre 20h30).
A l’aficha: Cristian Almerge, Cossí que Siague, la Fanfara de Menerbés, Laurenç Cavalièr, L’invité de Trop, Mans de Bruèis [Mans de Breish] e Pierre Hollard. Los beneficis de la serada, mercé a las dintradas pagantas (10 èuros per persona) e las recèptas de l’estanquet de vins de Cabardés e bofigas de Limós, seràn transferits a las familhas Curbières e Fortin. Los organizaires espèran una fòrta mobilizacion per aquesta serada.
Contacte e informacions: fll.ventenac@...
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari