Bandièra01 1180x150: Comuna de Tolosa

Actualitats

Bastir capita plan dins las eleccions municipalas

Bastir a atench mai de trenta elegits dins lo primièr torn, e n’aurà d’autres après l’eleccion de dimenge que ven. Pel segond torn cridan a votar per aqueles qu’empacharàn l’eleccion de l’extrèma drecha dins las municipalitats ont se poirà pas votar per una lista qu’aja de candidats occitanistas.


Lo movement politic occitanista amassat a l’entorn de Bastir a atench trenta sièis elegits dins lo primièr torn de las eleccions municipalas de l’estat francés, e segurament n’aurà d’autres tre dimenge que ven, segon un comunicat que ven de publicar.
 
Per aquel segon torn, Bastir crida a votar per aqueles qu’empacharàn l’eleccion de l’extrèma drecha dins las municipalitats ont se poirà pas votar per una lista qu’aja de candidats de Bastir.
 
Los 116 candidats de Bastir e d’autres candidats occitanistas se son repartits dins mantas listas e coalicions, perque la prioritat es ara d’obténer d’elegits amb consciéncia de país al delà de tota autra consideracion quina que siá.
 
Bastir a anonciat que formaràn una assemblada d’elegits occitanistas, que trabalharà pel grand saut endavant que reclama l’occitanisme politic dins las annadas avenidoiras.
 
 
 
_____
Editorial: Bastir!
Editorial: Lo vòte occitanista

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
2.

#1 Plan dit, Cogolinenc ! E perque parla pas del succès extraordinari dels candidats de l'esquèrra abertzale en Euskadi nòrd, mai que de nos assucar amb aqueles criptofaiscista minables qu'envasisson la vacuitat cervicala despolitizada del paure mond ?

  • 5
  • 0
cogolinenc Cogolin
1.

Lo FN passa... o fa passar seis idèias. Lei mèdias de França parlan d'elei. Perqué parlan pas de Bastir! au JT de TF1, France 2, M6, Canal+???

  • 4
  • 0

Escriu un comentari sus aqueste article