Actualitats
Se fabrica per lo primièr còp d’ADN sintetic
Aquel avanç per la vida artificiala es, segon la comunautat scientifica, un eveniment istoric
Una còla de cercaires europèus e estatsunidencs an capitat de fabricar un cromosòma sintetic dins una cellula de levadura de bièrra, segon çò qu’a publicat la revista Science. Es lo primièr còp que se fabrica d’ADN sintetic dins un laboratòri, e que complís las meteissas foncions qu’un cromosòma normal.
Après sèt annadas de recèrca, los scientifics an capitat de talhar, devesir e manipular l’ADN de la levadura. Dins lo passat s’èra ja fabricat de cromosòmas de bactèris e de virus, mas ara es lo primièr còp que se’n crèa un per un organisme eucariotic, es a dire, que sas cellulas an de nuclèus diferenciats e un citoplasma organizat.
Segon la comunautat scientifica, aquela descobèrta es un eveniment istoric comparable amb la sequenciacion del genòma uman. Segon los sabents, aquò permetrà de dessenhar de microorganismes capables de produire de biocarburants, de medicaments e d’aliments que farián de foncions programadas per l’èsser uman.
Après sèt annadas de recèrca, los scientifics an capitat de talhar, devesir e manipular l’ADN de la levadura. Dins lo passat s’èra ja fabricat de cromosòmas de bactèris e de virus, mas ara es lo primièr còp que se’n crèa un per un organisme eucariotic, es a dire, que sas cellulas an de nuclèus diferenciats e un citoplasma organizat.
Segon la comunautat scientifica, aquela descobèrta es un eveniment istoric comparable amb la sequenciacion del genòma uman. Segon los sabents, aquò permetrà de dessenhar de microorganismes capables de produire de biocarburants, de medicaments e d’aliments que farián de foncions programadas per l’èsser uman.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Segon los sabents, aquò permetrà de dessenhar de microorganismes capables de produire de biocarburants, de medicaments e d’aliments que farián de foncions programadas per l’èsser uman. »
Una descobèrta ? O regreti plan, mas aquò's pas una descobèrta de recèrca fondamentala, se que non una "simpla" mesa al punt tecnica de recèrca aplicada. Aplicada a qué ? A far ganhar mai de moneda possible a los qu'an investit fòrça moneda per far materialament possibla aquesta mesa al punt tecnica. Aquò's son que sciéncia sens consciéncia : son qu'una quista afanada de moneda, coma la prostitucion, lo trafèc illegal o lo comèrci autorizat, amb ni mai ni mens d'ideal scientific darrièr. Disi pas que los qu'an realizat aquò non sián pas meritòris, mas an un meriti tecnic, e non pas scientific. De recèrcas vertadièrament scientificas, financiarament desinteressada, n'i a pas mai dempuèi plan lèu trenta ans, ben lèu mai longtemps encara.
A viscut, lo nosal espitemologic del sègle XX. Avèm pas mai cercaires adara, son que de tecnocratas e de servidors sieus, en quista de moneda… paure mond ! Del mai s'enriquisson los mai rics (al despens dels mai paures, plan segur), e del mens vòlon pagar talhas als estats. Del mens los estats an talhas per finançar un servici public vertadièr, notadament de recèrca publica financiarament desinteressada, e del mai recuola l'esperit scientific vertadièr, conscienciós e responsable, e del mai avança la cupiditat tecnocratica, cinica, irresponsabla, concentrant lo mai de poder possible dins lo mens grand nombre de mans possible.
ADN sintetic, ora pro nobis ! Es aquel, lo mond que volètz, vosautres ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari