Los Dracs catalans an tornat prene de colors aprèp la victòria fàcia als Gigants d’Huddersfield. Plan valents, divendres, prenguèron la rota de Wigan e marquèron d’entrada per Morgan Escarré al tèrme d’una brava ataca e Pomeroy ajustava un segond ensag (10a minuta). Abans la pausa, l’arrièr Bowen redusissiá la marca pels locals: 10-4. A la represa, Escarré marcava son segond ensag e los Dracs menavan 16-4. Èra tròp bèl! Los Dracs se metèron a tombar de paumas, faguèron de fautas e a la 68a minuta, los jogaires de Wigan tornavan a 16-16. Los catalans defendián l’egalitat, mas a la darrièra minuta, l’arrièr Bowen recuperava un còp de pè catalan dins sos 20 mètres e, mercé a un doble desmarratge, daissava sus plaça de Dracs suspreses e malcorats de veire l’arrièr local s’amorrar entre los pals e balhar un gost amar pel camin del retorn cap a Perpinhan amb aquela desfacha sul fial: 22-16. Aqueste divendres, plaça a la Cup amb la recepcion dels London Broncos a Brutus (20h): pronostic en favor dels Dracs.
D’autras esquipas de Superliga desapareisseràn tre lor primièra aparicion dins la competicion vist que lo tiratge al sòrt met tanben a las presas Hull FC e Salford, Huddersfield e Saint Helens, Wakefielfd e Leeds, Hull KR e Warrington.
De regretar qu’ongan cap d’esquipa d’Elèit siague estada convidada a la competicion anglesa. Un elèit que n’acabava aquesta dimenjada amb la dobla fasa de classament. Los jòcs èran faits per las plaças abans la debuta de las partidas.
Dins la pola bèla, tre dissabte, lo Tolosa Olimpic confirmava sa primièra plaça amb una victòria un còp de mai contra los Dragonets, 38-18, mentre que dimenge, al Molin, al tèrme d’una partida plasenta, Lesinhan demorava mèstre a l’ostal fàcia a Limós: 20-16. Los limosencs, caps de fila de la primièra part, clavan aquesta segonda fasa sus una tièra de sièis desfachas en sièis partidas! Dins la pola B, Vilanuèva batiá sens dificultat Realmont 64-16 e Palau preniá lo revenge de l’anar amb una victòria a Baó: 30-14. En pola C, dissabte, l’AS Carcassona venç Albi, 66-10, mentre qu’Avinhon va ganhar a Lion: 58-8.
L’òrdre de las partidas de la fasa finala es establit: Tolosa e Lesinhan son dirèctament en mièja finala (dissabte 26 d’abril a Tolosa). Los Dragonets e Limós espèran los venceires del primièr torn de barratge: Carcassona o Palau pels catalans (partida ASC-Palau dimenge de vèspre a Domèc), Vilanuèva o Avinhon pels audencs.
— Reservacion de las plaças per la finala de la Copa Carcassona-Tolosa (dimenge 13 d’abril, a Carcassona) .
Alan Roch
D’autras esquipas de Superliga desapareisseràn tre lor primièra aparicion dins la competicion vist que lo tiratge al sòrt met tanben a las presas Hull FC e Salford, Huddersfield e Saint Helens, Wakefielfd e Leeds, Hull KR e Warrington.
De regretar qu’ongan cap d’esquipa d’Elèit siague estada convidada a la competicion anglesa. Un elèit que n’acabava aquesta dimenjada amb la dobla fasa de classament. Los jòcs èran faits per las plaças abans la debuta de las partidas.
Dins la pola bèla, tre dissabte, lo Tolosa Olimpic confirmava sa primièra plaça amb una victòria un còp de mai contra los Dragonets, 38-18, mentre que dimenge, al Molin, al tèrme d’una partida plasenta, Lesinhan demorava mèstre a l’ostal fàcia a Limós: 20-16. Los limosencs, caps de fila de la primièra part, clavan aquesta segonda fasa sus una tièra de sièis desfachas en sièis partidas! Dins la pola B, Vilanuèva batiá sens dificultat Realmont 64-16 e Palau preniá lo revenge de l’anar amb una victòria a Baó: 30-14. En pola C, dissabte, l’AS Carcassona venç Albi, 66-10, mentre qu’Avinhon va ganhar a Lion: 58-8.
L’òrdre de las partidas de la fasa finala es establit: Tolosa e Lesinhan son dirèctament en mièja finala (dissabte 26 d’abril a Tolosa). Los Dragonets e Limós espèran los venceires del primièr torn de barratge: Carcassona o Palau pels catalans (partida ASC-Palau dimenge de vèspre a Domèc), Vilanuèva o Avinhon pels audencs.
— Reservacion de las plaças per la finala de la Copa Carcassona-Tolosa (dimenge 13 d’abril, a Carcassona) .
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari