Bandièra01 1180x150: Comuna de Tolosa

Actualitats

Primièra consulta populara sus l’independéncia al Bascoat

Se faguèt ièr a la vila d’Etxarri Aranatz amb una participacion del 42,8%. 804 ciutadans sus 851 votèron per l’independéncia

Lo Bascoat a començat de far de consultas popularas sus l’independéncia, coma se faguèt en Catalonha entre 2009 e 2011. Lo primièr d’aqueles vòtes se passèt ièr a la vila navarresa d’Etxarri Aranatz. Los votants devián respondre a la question: “volètz èsser ciutadan d’un Bascoat independent?”. Los burèus de vòte se placèron dins un local del centre vila e, de 9h a 20h, lai votèron 851 ciutadans, es a dire lo 42,8% dels que podián votar. 804 votèron de òc e 18 de non, i aguèt 26 vòtes blancs e 3 vòtes nuls (fòto).
 
La consulta èra impulsada per la plataforma ciutadana A13, constituida fa dos ans e mièg per “aprigondir las valors pròprias d’una democracia, la convivéncia entre los vesins, la participacion ciutadana e la dignificacion de l’opinion dels ciutadans”. Aquel collectiu prenguèt en carga l’organización del vòte; la municipalitat lo voliá organizar mas lo govèrn autonomic navarrés s’i opausèt.
 




 
 


_____
— BerriaEtxarri Aranatzen %94 Euskal Herriaren independentziaren alde, %42ko parte hartzearekin
— Naiz.infoLos vecinos de Etxarri Aranatz ejercen su derecho a decidir
— Diario de Navarra: El 94% de los votantes en Etxarri-Aranatz, a favor de la independencia

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

Los Basques son un grand, e adara, an trapat lo bon biais d'o far veire a totes ! Òsca !

  • 4
  • 0

Escriu un comentari sus aqueste article