La dimenjada tretzista se dobriguèt dissabte a Brutus.
L’art dels Dracs s’empara del drakar dels Vikings. Los Dracs recebián los Vikings de Widnes e dintravan lèu-lèu dins la partida amb un ensag del centre Pomeroy, seguit d’un autre de Whitehead (vengut “Cap Blanc” pels afogats , abans que Mogan Escarré causiguèssse sus un còp de pè a seguir dels Blaus d’anar trapar son alièr Millard que davalava lo terrenc sus 60 mètres abans de lo tornar trapar a l’interior: 14-0. Los Vikings escartavan las paumas al pè e a la man e passavan dos còps per las alas, mas Whitehead tornava marcar abans la pausa: 18-10. Lo segond temps començava sul meteis ritme catalan e, urosament pels angleses, los tustaires sang e aur mancavan de precision (3 transformacions solament per 9 ensages!). Los Dracs ganhavan larjament 42-20. Aquò lor i balha vam per aquel temps terrible de Pascas amb desplaçament a Londres dijòus de ser e recepcion d’Hull KR pel diluns de Pascas (a 18h; en dobertura, a 15h: lo quart d’Elèit Dragonets-ASC XIII).
Copa: Tolosa enfins! Dimenge, a l’estadi Domèc de Carcassona, 7 000 espectators se ramosèron per assistir a las finalas de las Copas. En juniors, lo Tolosa Olimpic se ganhèt aisidament la Copa Nitard fàcia a Limós: 46-24. Puèi, venguèt la finala de la Lord-Derby. Carcassona, sens son capitani Saddaoui tocat a un pompilh, lançava totas sas fòrças dins la batèsta, fasiá circular las paumas, preniá d’iniciativas ofensivas e refusava pas lo combat. Dos ensages venián recompensar lo vam dels locals: 10-0. Tolosa aviá daissat passar l’auratge e, metodicament, se tornèt metre a l’obratge per menar 18-10 a la pausa. Lo segond temps foguèt blau e blanc de cap a cima: la defensa carcassonesa s’abausonava, los Jaunes e Negres perdián d’elements sus nafradura e Tolosa se mostrava sens pietat e d’un realisme glacial sus cada pauma negociabla, en particular sus los relançars. Marca finala sens apèl: 46-10 que permetiá al Tolosa Olimpic de joslevar la primièra Copa de son istòria, aprèp 6 desfaitas en finala. L’arrièr Kheirallah, designat òme de la partida, a marcat mai de la mitat dels punts de son esquipa: 24 amb tres ensages, cinc transformacions e una penalitat.
Ovala coma un uòu de Pascas, Carcassona a daissat plan de fòrças e va èsser complicat d’aver una esquipa solida per anar desfisar los Dragonets.
Dimenge, pel compte de l’autre quart, Limós reçauprà Vilanuèva a L’Agulha. Los Roge e Negre ensajaràn de sortir de l’espirala negativa, mas Vilanuèva comptarà amb sa joinesa per capitar de passar aquel torn de la competicion. D’aquel temps, en esperant las mièjas finalas del 26, lo Tolosa Olimpic farà d’animacions a la Fièra-Exposicion de Tolosa.
De notar que lo suplement Mites e Legendas de Carcassona de L’Express, datat del 9 d’abril, consacra una pagina a Pipeta, lo dieu de l’estadi. Òsca per aquela figura legendària del XIII!
Alan Roch
L’art dels Dracs s’empara del drakar dels Vikings. Los Dracs recebián los Vikings de Widnes e dintravan lèu-lèu dins la partida amb un ensag del centre Pomeroy, seguit d’un autre de Whitehead (vengut “Cap Blanc” pels afogats , abans que Mogan Escarré causiguèssse sus un còp de pè a seguir dels Blaus d’anar trapar son alièr Millard que davalava lo terrenc sus 60 mètres abans de lo tornar trapar a l’interior: 14-0. Los Vikings escartavan las paumas al pè e a la man e passavan dos còps per las alas, mas Whitehead tornava marcar abans la pausa: 18-10. Lo segond temps començava sul meteis ritme catalan e, urosament pels angleses, los tustaires sang e aur mancavan de precision (3 transformacions solament per 9 ensages!). Los Dracs ganhavan larjament 42-20. Aquò lor i balha vam per aquel temps terrible de Pascas amb desplaçament a Londres dijòus de ser e recepcion d’Hull KR pel diluns de Pascas (a 18h; en dobertura, a 15h: lo quart d’Elèit Dragonets-ASC XIII).
Copa: Tolosa enfins! Dimenge, a l’estadi Domèc de Carcassona, 7 000 espectators se ramosèron per assistir a las finalas de las Copas. En juniors, lo Tolosa Olimpic se ganhèt aisidament la Copa Nitard fàcia a Limós: 46-24. Puèi, venguèt la finala de la Lord-Derby. Carcassona, sens son capitani Saddaoui tocat a un pompilh, lançava totas sas fòrças dins la batèsta, fasiá circular las paumas, preniá d’iniciativas ofensivas e refusava pas lo combat. Dos ensages venián recompensar lo vam dels locals: 10-0. Tolosa aviá daissat passar l’auratge e, metodicament, se tornèt metre a l’obratge per menar 18-10 a la pausa. Lo segond temps foguèt blau e blanc de cap a cima: la defensa carcassonesa s’abausonava, los Jaunes e Negres perdián d’elements sus nafradura e Tolosa se mostrava sens pietat e d’un realisme glacial sus cada pauma negociabla, en particular sus los relançars. Marca finala sens apèl: 46-10 que permetiá al Tolosa Olimpic de joslevar la primièra Copa de son istòria, aprèp 6 desfaitas en finala. L’arrièr Kheirallah, designat òme de la partida, a marcat mai de la mitat dels punts de son esquipa: 24 amb tres ensages, cinc transformacions e una penalitat.
Ovala coma un uòu de Pascas, Carcassona a daissat plan de fòrças e va èsser complicat d’aver una esquipa solida per anar desfisar los Dragonets.
Dimenge, pel compte de l’autre quart, Limós reçauprà Vilanuèva a L’Agulha. Los Roge e Negre ensajaràn de sortir de l’espirala negativa, mas Vilanuèva comptarà amb sa joinesa per capitar de passar aquel torn de la competicion. D’aquel temps, en esperant las mièjas finalas del 26, lo Tolosa Olimpic farà d’animacions a la Fièra-Exposicion de Tolosa.
De notar que lo suplement Mites e Legendas de Carcassona de L’Express, datat del 9 d’abril, consacra una pagina a Pipeta, lo dieu de l’estadi. Òsca per aquela figura legendària del XIII!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari