Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaMauras

Cogolin: primièras mòstras de las politicas totalitàrias de l’FN

De licenciaments a l’ofici de torisme, que poiriá desaparéisser, e un primièr adjonch de las finanças fòrça violent

| Net-breuer
Cogolin (Mauras), una de las vilas occitanas ont l’ultradrecha prenguèt lo poder municipal, comença d’experimentar las politicas totalitàrias del partit xenofòb.
 
 
De licenciaments
 
D’un costat, l’ofici de torisme de la vila s’es vist menaçat. Lo 17 d’abril passat, los 4 elegits que devián presidir l’assemblada generala i assistiguèron pas, sens cap d’explicacion. Sembla que se parla del licenciament dels quatre emplegats, segon çò que rapòrta Var Matin.
 
Mentretant, elegiguèron un nòu conselh d’administracion per gerir los afars corrents. La politica de la cadièra vuèja foguèt pas presada pels nombroses presents, dont cal soslinhar los actors de la vida economica de la ciutat.
 
 
Un primièr adjonch violent
 
D’un autre costat, se planh l’eleccion del primièr adjonch en carga de las finanças, Eric Masson, un òme qu’a protagonizat d’episòdis de violéncia.
 
En febrièr passat, Masson, qu’es tanben policièr municipal a Canas, lai reclamèt lo pagament de tres jornadas de trabalh que figuravan pas sus son bulletin de salari, segon çò que rapòrta Var Matin. Mas la direccion li diguèt que se podián pas pagar pr’amor que son abséncia foguèt pas justificada. Es alavetz que Masson s’encanhèt contra los emplegats presents e afrontèt un foncionari en aprochant sa man de l’estug de son arma, coma per la prene. Sul pic un autre policièr reprimiguèt Masson, que mostrèt alavetz sa colèra en mandant un còp de pè sus una estatgièra, e aquesta s’escranquèt en provocant los crits de panica dels emplegats.
 
De son costat, Masson declarèt per telefòn, encara a Var Matin, que s’agiguèt d’“un pichon incident” e que s’èra explicat dessús. “I aguèt ren d’agressiu ni de delictuau”, çò diguèt, tant qu’o justificava pel fach qu’a pas agut cap de sancion.
 
E mai se Masson a d’antecedents d’episòdis de violéncia, el ditz que totas aquelas informacions “cèrcan de nòire, benlèu per gelosiá”. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

toloricon Ramonvila e Sant Anha
5.

#3 Plan d'acòrdi totes los cogolencs an pas votat per l'FN e conessi plan lo foncionament de las institucions. Voli pas far un dicors tròp long mas l'essencial es que lo vòte per las municipalas es largament maroritari alara lo fach que la còla FN dirigís la vila a tres rasons:

1- Los cogolencs que pleguèron lo buletin FN son los mai nombroses
2- Los cogolencs que votèron per d'autres n'èran pas pro
3- Los cogolencs que causiguèron degun afortisson los majoritaris (per que siám dins un sistèma atal)

Lo mòde d'emplec es pas amagat e èra (auriá degut èsser!) conegut de totes. Cadun podava s'informar de la politica de l'FN, (res es amagat per quin cerca!). Lo vòte majoritari enebís tota oposicion e los desparaulats afortisson los majoritaris. Alara cadun dels tres grops precitats an la lor responsabilitat que deu pas negar o reportar sus l'autre. Tot aquó fa que per l'ora (e per malastre!) la politica de l'FN es aquela de l'ensems dels cogolencs e per l'avenidor i a pas de surpresa sus las accions menadas a Cogolin

  • 2
  • 0
Terric Lausa Quilhan
4.

Lo FN es pas sonque l'ultra-dreita. Es l'ultra-dreita francista valent a dire un movement faissista d'invasion politica del País Nòstre. Es un partit doblament toxic e perilhós per Occitània.

  • 10
  • 8
Corruèra
3.

#2 "cogolinenc" es lo deribat
totei leis electors an pas votat per aqueu partit, sabètz coma fonciona la democracia en republica francesa ? 100% per una tiera existe jamai se li son doei tieras...

  • 4
  • 0
toloricon Ramonvila e Sant Anha
2.

Se deu pas èssser decebut: aqueles Cogolans que pleguèron dins l'envelopa le buletin FN causiguèron aquela politica! Es la causida lor.

  • 3
  • 3
Pirolet
1.

Encara d'autres que nos decèvon pas. Fan çò qu'èra de crénher.

  • 4
  • 0

Escriu un comentari sus aqueste article