Actualitats
L’occitanisme de Narbona s’amassa e crèa Convergéncia Narbonesa
Amb la tòca d’ajudar a determinar una politica lingüistica e culturala occitana per Narbona
Lo 2 de junh passat nasquèt Convergéncia Narbonesa, qu’amassa a l’ora d’ara sèt associacions occitanistas de Narbona: Lo Cercle Occitan, Ràdio Lenga d’Òc, la Calandreta la Granhòta, País Nòstre, ANO Tambourin, la Federacion Audenca de las Calandretas e ENÒC.
Amb aquela iniciativa, aquelas associacions, que trabalhan dins los encastres de la cultura, l’ensenhament, lo ciutadanatge, la comunicacion e l’espòrt, se poiràn conéisser melhor e trabalhar ensems. Comptan amb la complicitat de Jean-Marie Orrit, elegit en carga de l’occitan de la municipalitat de Nabona, que lor a mostrat “una veritadièra volontat politica en favor de l’occitan”.
Lo nòu organisme narbonés comptarà amb la sala situada entre las doas partidas de la vila, jos l’ofici de torisme, e espèra lèu de poder inaugurar un Ostal d’Occitània.
Es previst que d’autras estructuras jonheràn Convergéncia Narbonesa, e la vila aurà lèu un ostal occitan en seguissent l’exemple de Tolosa. Aital, Convergéncia Narbonesa serà un luòc de rescontres, de coneissenças e d’escambis e trabalharà per l’occitan dins lo País Narbonés.
D’eveniments
Convergéncia Narbonesa se presentarà publicament lo 3 de julhet a 18h30, amb una conferéncia de premsa seguida d’un balèti, que se perseguirà cada dijòus d’agost e de setembre.
E a la fin d’agost se quilharà un vilatge occitan e se participarà al match Narbona-Besièrs.
_____
Mai d’informacions al telefòn: +33 (0)6 60 75 26 24
Amb aquela iniciativa, aquelas associacions, que trabalhan dins los encastres de la cultura, l’ensenhament, lo ciutadanatge, la comunicacion e l’espòrt, se poiràn conéisser melhor e trabalhar ensems. Comptan amb la complicitat de Jean-Marie Orrit, elegit en carga de l’occitan de la municipalitat de Nabona, que lor a mostrat “una veritadièra volontat politica en favor de l’occitan”.
Lo nòu organisme narbonés comptarà amb la sala situada entre las doas partidas de la vila, jos l’ofici de torisme, e espèra lèu de poder inaugurar un Ostal d’Occitània.
Es previst que d’autras estructuras jonheràn Convergéncia Narbonesa, e la vila aurà lèu un ostal occitan en seguissent l’exemple de Tolosa. Aital, Convergéncia Narbonesa serà un luòc de rescontres, de coneissenças e d’escambis e trabalharà per l’occitan dins lo País Narbonés.
D’eveniments
Convergéncia Narbonesa se presentarà publicament lo 3 de julhet a 18h30, amb una conferéncia de premsa seguida d’un balèti, que se perseguirà cada dijòus d’agost e de setembre.
E a la fin d’agost se quilharà un vilatge occitan e se participarà al match Narbona-Besièrs.
_____
Mai d’informacions al telefòn: +33 (0)6 60 75 26 24
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fièr d'esser Narbonès!
Òsca e endavant !
Fòrt plan !
Òsca fraires de Lengadòc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari