Actualitats
La comuna d’Aubanha a enebit d’artistas jutjats pornografics
Refusa dos artistas dels 50 que devián participar al Festenal Internacional d’Art Singular. L’organizacion del festenal a ajornat l’eveniment
Aubanha (País Marselhés) aculhirà pas la 13a edicion del Festenal Internacional d’Art Singular. La nòva municipalitat (UMP) a refusat d’expausar las òbras de dos artistas que las a jutjadas pornograficas: L’Amour de Marie Motel e La Machine à accoucher del plastician Demin. En signe de contestacion la companhiá organizaira de l’eveniment a decidit de l’ajornar.
La companhiá organizaira a precisat dins un comunicat que vegèt “l’atribucion de la subvencion de la Comuna d’Aubanha amb la mesa en disposicion dei luòcs d’exposicion, subordenadas a l’assegurança de la non-participacion d’aqueleis artistas mes a l’indèx”; donc, la decision d’ajornar lo festenal se prenguèt dimècres passat. “La vila de priva de gròssei retombadas economicas”.
Aperaquí 50 artistas an vist blocada lor participacion al festenal, e mai se lo teatre Toursky de Marselha e d’autres luòcs an prepausat d’aculhir las òbras refusadas. Mas segon l’organizacion, “se podèm pas plegar e acceptar qu’una còla municipala verifique la programacion artistica”.
La companhiá organizaira a precisat dins un comunicat que vegèt “l’atribucion de la subvencion de la Comuna d’Aubanha amb la mesa en disposicion dei luòcs d’exposicion, subordenadas a l’assegurança de la non-participacion d’aqueleis artistas mes a l’indèx”; donc, la decision d’ajornar lo festenal se prenguèt dimècres passat. “La vila de priva de gròssei retombadas economicas”.
Aperaquí 50 artistas an vist blocada lor participacion al festenal, e mai se lo teatre Toursky de Marselha e d’autres luòcs an prepausat d’aculhir las òbras refusadas. Mas segon l’organizacion, “se podèm pas plegar e acceptar qu’una còla municipala verifique la programacion artistica”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueles elegits de l'UMP son amics de la Na Claude mas vòlon pas que se sàpia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari