Actualitats
Lo congrès de l’AIEO a vesitat la Val d’Aran
Lo Sindic d’Aran a aculhit los congressistas a la sedença del govèrn aranés
Los participants de l’11n congrès de l’Associacion Internacionala d’Estudis Occitans (AIEO) vesitèron ièr la Val d’Aran, just l’endeman de la fèsta nacionala, e poguèron conéisser lo país occitan, sa cultura e son patrimòni. Los congressistas foguèron aculhits dins la sedença del Govèrn d’Aran pel Sindic d’Aran, Carlos Barrèra, lo cap de la politica lingüistica, Jusèp Loís Sans, e lo cap de la cultura, Jèp de Montoya.
Dempuèi diluns e fins a dissabte, se debana a Lhèida (Catalonha) lo congrès de l’AIEO. I participan 170 expèrts en lenga, literatura e cultura occitanas, provenent de 60 universitats de 12 estats: Espanha, França, Itàlia, lo Reialme Unit, Alemanha, los Estats Units, Brasil, Russia, Japon, Canadà, Belgica e Olanda. Las divèrsas comunicacions presentadas al congrès tractaràn l’occitan modèrne, la lenga anciana, la literatura, la cultura occitana e las politicas lingüisticas d’Occitània e de Catalonha, ont la lenga es oficiala.
Pendent aquesta setmana, la redaccion de Jornalet se desplaça a la sedença d’aqueste congrès, d’ont vos ofrissèm, coma d’abidud, las informacions de cada jorn.
Dempuèi diluns e fins a dissabte, se debana a Lhèida (Catalonha) lo congrès de l’AIEO. I participan 170 expèrts en lenga, literatura e cultura occitanas, provenent de 60 universitats de 12 estats: Espanha, França, Itàlia, lo Reialme Unit, Alemanha, los Estats Units, Brasil, Russia, Japon, Canadà, Belgica e Olanda. Las divèrsas comunicacions presentadas al congrès tractaràn l’occitan modèrne, la lenga anciana, la literatura, la cultura occitana e las politicas lingüisticas d’Occitània e de Catalonha, ont la lenga es oficiala.
Pendent aquesta setmana, la redaccion de Jornalet se desplaça a la sedença d’aqueste congrès, d’ont vos ofrissèm, coma d’abidud, las informacions de cada jorn.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari