Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

La Generalitat de Catalonha deurà pagar 6000 èuros a cada escolan qu’ane dins un centre privat per estudiar en espanhòl

Intra en vigor una lei de l’educacion que met en perilh l’immersion en occitan dins las escòlas d’Aran

Lo ministre espanhòl de l'educacion José Ignacio Wert
Lo ministre espanhòl de l'educacion José Ignacio Wert
Lo ministre espanhòl de l’educacion a fach un decret per que lo govèrn de Catalonha pague 6057 èuros a cada escolan que vòlga far los estudis solament en espanhòl dins una escòla privada. Dins aquel sens, Wert declarèt arunan que “cal preservar l’espanhòl dins las comunautats autonòmas qu’an de lengas cooficialas”, en tot presentar una lei per reformar l’educacion, e refusada pels ensenhaires araneses e catalans.
 
Fa justament qualques jorns que lo Conselh d’Estat espanhòl reclamava a Wert de reconsiderar lo decret sus l’escolarizacion en espanhòl en de centres privats.
 
La Generalitat de Catalonha a dich qu’aquela decision es improvisada. Remembra justament lo jutjament del Conselh d’Estat e crei que la posicion del ministèri “fa evident que se coneis pas la realitat del país” e l’usatge de las lengas.
 
Fins ara, l’educacion en Aran a practicat l’immersion lingüistica en occitan, mas s’es garentit que totes los escolans dominen las tres lengas oficialas del territòri (occitan, catalan e espanhòl). Dins aquel sens, a la fin de 2012, lo Conselh General d’Aran defendèt lo modèl lingüistic de l’escòla aranesa en manifestar lo refús de la lei de reforma educativa qu’es a intrar en vigor. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

W Cf
5.

It´s a fight between nations , Spain and Catalonia .
Stop to be so Catholic !
You are so hypocrit .

Auvergnat is a proper language, non occitan .
Auvergne is a nation based on raelian spirituality .
Auvergne is an economy based on ligurians money, the amber .

We, the people of Arvernia, considers the money, the language and the faith as the three elements of an Identity of a nation . Submit to our language, money and faith in our country or be considered as foreigners .
France, Occitania, Europe , Islam, U.S.A. , go home !

Stéphane , 1st
Rex Arverniæ Elohim Gratia !!!

  • 0
  • 0
Ernest Guevara Jr. L'Avana
4.

Una sola solucion, en tres temps 1) Non pagar pas. 2) Votar en Novembre per Catalonha liura e, a la seguida 3) Mandar pàisser ont voldràn los que seràn pas content de viure en Catalonha.

En solucion complementària, constitucionala, votar una lei catalana republicana interdisent las subvencions publicas per centres d'ensenhaments que sián pas en contracte (d'immersion linguisitica catalana o occitana) amb l'estat catalan.

  • 17
  • 1
Parisenquit
3.

E demandarèm 6000 € per escolan per que França pague de corses en lenga occitana als escolans sensa escòla occitanofòna a proximitat d'els !

  • 10
  • 0
Batko
2.

Un còp de mès, shens de parlar deu costat lingüistic imperialista, vaquí moneda publica que s'escampa au privat. Son totis parièrs.

  • 11
  • 0
Bb
1.

Solucion = QUITAR ESPANHA !!!

  • 14
  • 1

Escriu un comentari sus aqueste article